ನವದೆಹಲಿ: ಈಗಂತೂ ಇಂಟರ್ನೆಟ್ ಕೈಗೆಟುಕುವ ದರದಲ್ಲಿ ಸಿಗುತ್ತಿರುವಾಗ ಒಂದಲ್ಲ ಒಂದು ಕಾರಣಕ್ಕೆ ನಾವು ತಿಳಿಯದೆ ತಪ್ಪು ಮಾಡಿ ಭಾರೀ ದಂಡವನ್ನು ತರೆಬೇಕಾಗುತ್ತಿದೆ. ಮೊಬೈಲ್ ನಲ್ಲಿ ಸಿಕ್ಕಸಿಕ್ಕ ಅ್ಯಪ್ ಗಳನ್ನು ಬ್ರೌಸಿಂಗ್ ಮಾಡುವ ಸಂದರ್ಭದಲ್ಲಿ, ಆಪ್ ಬಳಕೆ ಮಾಡಿಕೊಳ್ಳುವ ಸಂದರ್ಭದಲ್ಲಿ, ಇಲ್ಲವೇ ಚಾಟ್ ಮಾಡುವಾಗ ನಮ್ಮ ಅರಿವಿಗೆ ಬಾರದೆ ಮಾಡುವ ತಪ್ಪುಗಳು ಮುಂದೆ ನಮಗೆ ಮಾರಕವಾಗುವ ಸಾಧ್ಯತೆ ಇದೆ. ನಾವು ತಿಳಿಯದೆ ತಪ್ಪು ಮಾಡಿ ಭಾರೀ ದಂಡವನ್ನು ತರೆಬೇಕಾಗುತ್ತಿದೆ.
...
..
ಗೂಗಲ್ ಕ್ರೋಮ್ ತೆರೆದು ಪ್ರತಿದಿನವೂ ಏನನ್ನಾದರೂ ಸರ್ಚ್ ಮಾಡುವ ಜನರು ಕೋಟ್ಯಾಂತರ ಸಂಖ್ಯೆಯಲ್ಲಿದ್ದಾರೆ. ಪೋರ್ನ್ ಇರಬಹುದು, ರಿಂಗ್ ಟೋನ್ ಇರಬಹುದು ಯೂಟ್ಯೂಬ್ ಮತ್ತು ಫೇಸ್ಬುಕ್ ವಿಡಿಯೋಗಳನ್ನು ಡೌನ್ಲೋಡ್ ಮಾಡಿಕೊಳ್ಳಲು ಇರಬಹುದು ಅಥವಾ ಹೀಗೆ ಏನಾನ್ನಾದರೂ ತಿಳಿಯಲು ಬಹುತೇಕರು ಗೂಗಲ್ ಕ್ರೋಮ್ ಬಳಕೆ ಮಾಡುತ್ತಿರುತ್ತಾರೆ. ಈ ವೇಳೆ ಹ್ಯಾಕರ್ಸ್ ಹಾಗು ಸ್ಕ್ಯಾಮ್ ಮಾಡುವವರ ಬಲೆಗೆ ಬೀಳುತ್ತಿದ್ದಾರೆ. ಹೌದು, ಗೂಗಲ್ ಕ್ರೋಮ್ ಬಳಕೆ ಮಾಡುವಾಗ ಪ್ರತಿದಿನವೂ ಸ್ಕ್ಯಾಮ್ಗೆ ಒಳಗಾಗುವವರ ಸಂಖ್ಯೆ ಮೀರುತ್ತಿದೆ.
ಬ್ರೌಸಿಂಗ್ ಮಾಡುವ ಸಂದರ್ಭದಲ್ಲಿ, ಆಪ್ ಬಳಕೆಮಾಡಿಕೊಳ್ಳುವ ಸಂದರ್ಭದಲ್ಲಿ, ಇಲ್ಲವೇ ಚಾಟ್ ಮಾಡುವಾಗ ನಮ್ಮ ಅರಿವಿಗೆ ಬಾರದೆ ಮಾಡುವ ತಪ್ಪುಗಳು ಮುಂದೆ ನಮಗೆ ಮಾರಕವಾಗುವ ಸಾಧ್ಯತೆ ಇದೆ. ಕೆಲವೊಮ್ಮೆ ನಿಮ್ಮ ಸ್ಮಾರ್ಟ್ಫೋನ್ ಇಲ್ಲವೇ ಕಂಪ್ಯೂಟರ್ಗಳನ್ನು ಹ್ಯಾಕ್ ಮಾಡಲು ವೈರಸ್ ಮೂಲಕ ದಾಳಿಯನ್ನು ನಡೆಸಲು ನಾವು ಮಾಡುವ ಸಣ್ಣ-ಪುಟ್ಟ ತಪ್ಪುಗಳೇ ಕಾರಣವಾಗುತ್ತವೆ.
ಈ ಹಿನ್ನಲೆಯಲ್ಲಿ ನಾವು ಬ್ರೌಸಿಂಗ್ ಮಾಡುವ ವಿಧಾನವನ್ನು ಬದಲಾಯಿಸಿಕೊಳ್ಳಬೇಕಾಗಿದೆ. ಸಿಕ್ಕ-ಸಿಕ್ಕ ಆಪ್ ಬಳಕೆ ಮಾಡಿಕೊಳ್ಳುವ ಮುನ್ನ ಎಚ್ಚರ ವಹಿಸಬೇಕಾಗಿದೆ. ಮ್ಯಾನ್ಯತೆ ಇಲ್ಲದ ವೆಬ್ ಸೈಟುಗಳನ್ನು ಜಾಲಾಡುವುದನ್ನು ಬಿಡಬೇಕಿದೆ. ಕಂಪ್ಯೂಟರ್ ಮತ್ತು ಸ್ಮಾರ್ಟ್ಫೋನ್ಗಳಲ್ಲಿ ಸೆಕ್ಯೂರಿಟಿ ಆಪ್ ಗಳನ್ನು ಹಾಕಿಕೊಳ್ಳುವುದು ಉತ್ತಮ ಬೆಳವಣಿಗೆಯಾಗಿದೆ. ಇವುಗಳ ಜೊತೆಯಲ್ಲಿ ಗೂಗಲ್ ಕ್ರೋಮ್ ತೆರೆದು ಸರ್ಚ್ ಮಾಡುವಾಗಲಂತೂ ಭಾರೀ ಎಚ್ಚರಿಕೆಯನ್ನು ವಹಿಸಬೇಕಿದ್ದು, ಕೆಲ ಮುಖ್ಯ ಅಂಶಗಳನ್ನು ನಾವಿಂದು ನಿಮಗೆ ತಿಳಿಸಿಕೊಡುತ್ತಿದ್ದೇವೆ.
ಗೂಗಲ್ ಕ್ರೋಮ್ ಸರ್ಚ್ ಬಳಕೆ ಮಾಡುವಾಗ ಯಾವುದೇ ಕಾರಣಕ್ಕೂ ಪಾಪ್ ಆಪ್ ವಿಂಡೋ ಓಪನ್ ಮಾಡಲೇಬೇಡಿ. ಅತೀ ಹೆಚ್ಚಿನ ಮಾಲ್ವೇರ್ಗಳು ನೀವು ಬ್ರೌಸ್ ಮಾಡುವ ವೆಬ್ ತಾಣಗಳಿಂದಲೇ ಬರುತ್ತಿರುವುದು ನಿಮಗೆ ತಿಳಿದಿರಲಿ. ನೀವು ಮಾಡುವ ಒಂದೇ ಒಂದು ತಪ್ಪಿನಿಂದ ನಿಮ್ಮ ಸ್ಮಾರ್ಟ್ಫೋನಿನಲ್ಲಿ ವೈರಸ್ಗಳು ಸೇರಿಕೊಳ್ಳುತ್ತಿವೆ. ಹಾಗಾಗಿ, ಪಾಪ್-ಅಪ್ ವಿಂಡೋಗಳಲ್ಲಿ ಕಾಣಿಸಿಕೊಳ್ಳುವ ಯಾವುದೇ ಲಿಂಕ್ಗಳನ್ನು ಕ್ಲಿಕ್ ಮಾಡುವ ಮುನ್ನ ಹತ್ತು ಬಾರಿ ಯೋಚಿಸಿ. ಅಗತ್ಯವಿಲ್ಲವಾದರೆ ಅದರ ಮೇಲೆ ಯಾವುದೇ ಕಾರಣಕ್ಕೂ ಕ್ಲಿಕ್ ಮಾಡಬೇಡಿ.
ಗೂಗಲ್ ಕ್ರೋಮ್ ಸರ್ಚ್ ನಲ್ಲಿ ಏನಾದರೂ ಹುಡುಕುವಾಗ ನಿಮ್ಮ ಗಮನಕ್ಕೆ ಬಂದಿರಬಹುದು. ನಿಮ್ಮ ಫೋನಿಗೆ ವೈರಸ್ ಬಂದಿದೆ ಕ್ಲೀನ್ ಮಾಡಿಕೊಳ್ಳಿ ಎಂಬ ಸಂದೇಶಗಳು ಬರುತ್ತಿರುತ್ತವೆ. ಇವುಗಳು ಸಂಪೂರ್ಣ ಸ್ಕ್ಯಾಮ್ ಮಾಡಲು ಇರುವ ದಾರಿಗಳಾಗಿವೆ. ಹಾಗಾಗಿ, ನೀವು ಸ್ಮಾರ್ಟ್ಫೋನ್ ನಲ್ಲಿ ಬ್ರೌಸಿಂಗ್ ಮಾಡುತ್ತಿರುವ ಸಂದರ್ಭದಲ್ಲಿ ಅದರಲ್ಲೂ ಮಾನ್ಯತೆ ಇಲ್ಲದೇ ವೆಬ್ ಸೈಟ್ಗಳನ್ನು ನೋಡುತ್ತಿರುವ ಸಂದರ್ಭದಲ್ಲಿ ಇಂತಹ ಸಂದೇಶಗಳ ಮೇಲೆ ಕ್ಲಿಕ್ ಮಾಡಬೇಡಿ. ಇಂತಹ ಸಂದೇಶಗಳು ಪೋರ್ನ್ ಸೈಟ್ಗಳಿಂದಲೇ ಹೆಚ್ಚು ಬರುತ್ತಿದೆ ಎಂಬುದನ್ನು ತಿಳಿದಿರಿ.
ಈ ಎರಡು ಕಾರ್ಯಗಳಿಂದ ನೀವು ಗೂಗಲ್ ಕ್ರೋಮ್ ಸರ್ಚ್ ನಲ್ಲಿ ಬಹುತೇಕ ಸೇಫ್ ಎನ್ನಬಹುದು. ಹಾಗೆಯೇ, ಪಬ್ಲಿಕ್ ವೈಫೈ ಬಳಕೆ ಕಡಿಮೆ ಮಾಡುವ ಮುನ್ನ ಯೋಚಿಸಿ. ನಿಮಗೆ ತಿಳಿದಿರುವ ಪಬ್ಲಿಕ್ ವೈಪೈಗಳನ್ನು ಮಾತ್ರ ಬಳಕೆ ಮಾಡಿ. ಯಾವುದೇ ಕಾರಣಕ್ಕೂ ಪಾಸ್ವರ್ಡ್ ಇಲ್ಲದೇ ಸಾರ್ವಜನಿಕವಾಗಿ ಉಚಿತವಾಗಿ ದೊರೆಯುವ ವೈಫೈಗಳನ್ನು ಬಳಕೆ ಮಾಡಿಕೊಳ್ಳ ಬೇಡಿ. ಉಚಿತ ವೈಫೈ ಮೂಲಕವೇ ನಿಮ್ಮ ಸ್ಮಾರ್ಟ್ಫೋನ್ ಅಥಾವ ಲ್ಯಾಪ್ ಟಾಪ್ ಪ್ರವೇಶವನ್ನು ಹ್ಯಾಕರ್ಸ್ ಪಡೆದುಕೊಳ್ಳಬಹುದು. ಹಾಗಾಗಿ, ಈ ಬಗ್ಗೆ ಎಚ್ಚರಿಕೆಯಿಂದ ಇರುವುದು ಒಳಿತು.
