.
.
.
.
.
.
.
.
.
.ಸಮಗ್ರ ನ್ಯೂಸ್: ನಿಂಬೆ, ಪೆಟ್ರೋಲ್ ಬೆಲೆ ದಿನ ದಿನ ಏರುತ್ತಲೇ ಇದೆ. ಈ ಕಾರಣ ವಾರಾಣಸಿಯಲ್ಲಿ ಮೊಬೈಲ್ ಶಾಪ್ ಒಂದು ವಿಶಿಷ್ಟ ಆಫರ್ ಒಂದು ನೀಡಿದೆ.
.
.
.
ಈ ವರ್ಷ ಅನೇಕ ರಾಜ್ಯಗಳಲ್ಲಿ ನಿಂಬೆ ಹಣ್ಣಿನ ಬೆಲೆ ಗಗನಕ್ಕೇರಿದೆ, ಒಂದು ನಿಂಬೆಹಣ್ಣಿಗೆ 10 ರಿಂದ 15 ರೂ.ಗಳ ನಡುವೆ ಬೆಲೆ ಇದೆ. ಇನ್ನು ಮಧ್ಯಮ ವರ್ಗದವರೂ ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆ ಏರಿಕೆಯಿಂದ ತತ್ತರಿಸಿ ಹೋಗಿದ್ದಾರೆ. ಇಂತಹ ಸನ್ನಿವೇಶದಲ್ಲಿ ಗ್ರಾಹಕರನ್ನು ಸೆಳೆಯಲು ಹಲವು ಅಂಗಡಿಗಳು ವಿಶಿಷ್ಟ ಕೊಡುಗೆಗಳನ್ನು ನೀಡಿವೆ.
ವಾರಣಾಸಿಯ ಮೊಬೈಲ್ ಅಂಗಡಿ ಮಾಲೀಕರೊಬ್ಬರು ತಮ್ಮ ಅಂಗಡಿಯ ಹೊರಗೆ 10,000 ಮೌಲ್ಯದ ಮೊಬೈಲ್ ಖರೀದಿಸಿದರೆ 1 ಲೀಟರ್ ಪೆಟ್ರೋಲ್ ಅನ್ನು ಉಚಿತವಾಗಿ ನೀಡಲಾಗುತ್ತದೆ ಎಂಬ ಪೋಸ್ಟರ್ ಗಳನ್ನು ಅಂಟಿಸಿದ್ದಾರೆ. ಇಷ್ಟೇ ಅಲ್ಲ, ಯಾರಾದರೂ ಅವರ ಅಂಗಡಿಯಿಂದ 100 ರೂಪಾಯಿ ಮೌಲ್ಯದ ಮೊಬೈಲ್ ಗೆ ಸಂಬಂಧಿಸಿದ ವಸ್ತುಗಳನ್ನು ತೆಗೆದುಕೊಂಡರೆ, ಅವರಿಗೆ 2 ನಿಂಬೆಹಣ್ಣುಗಳನ್ನು ಉಚಿತವಾಗಿ ನೀಡಲಾಗುತ್ತದೆ ಎಂದು ಹೇಳಿದ್ದಾರೆ. ಇದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಆಫರ್ ಕುರಿತು ಮಾತನಾಡಿದ ಅಂಗಡಿಯವರು, ಮೊಬೈಲ್ ಫೋನ್ ಅಗತ್ಯವಿರುವವರು ಅಥವಾ ಟೆಂಪರ್ಡ್ ಗ್ಲಾಸ್, ಫೋನ್ ಕವರ್ ಮುಂತಾದ ವಸ್ತುಗಳನ್ನು ಖರೀದಿಸಲು ಬಯಸುವವರು ಈ ಕೊಡುಗೆಯ ಲಾಭದ ಬಗ್ಗೆ ಯೋಚಿಸುತ್ತಿದ್ದಾರೆ. ಈ ಕೊಡುಗೆಗೆ ಗ್ರಾಹಕರಿಂದ ಅದ್ಭುತ ಪ್ರತಿಕ್ರಿಯೆ ದೊರೆತಿದೆ ಎಂದು ಹೇಳಿದ್ದಾರೆ.
ಅಕಾಲಿಕ ಮಳೆಯಿಂದಾಗಿ ನಿಂಬೆ ಬೆಳೆ ಹಿನ್ನಡೆಯಾಗಿರುವುದು ನಿಂಬೆ ಹಣ್ಣಿನ ಬೆಲೆ ಏರಿಕೆಗೆ ಕಾರಣ ಎಂದು ತಜ್ಞರು ಹೇಳಿದ್ದಾರೆ. ಬೆಲೆ ಏರಿಕೆಯಾಗುತ್ತಿದ್ದಂತೆ, ಮದುವೆಯ ಉಡುಗೊರೆ ಪಟ್ಟಿಯಲ್ಲಿ ನಿಂಬೆ ಕೂಡ ಸ್ಥಾನ ಪಡೆದಿದೆ. ಇತ್ತೀಚೆಗೆ, ಗುಜರಾತ್‌ನ ರಾಜ್‌ಕೋಟ್‌ನಲ್ಲಿ ವರನೊಬ್ಬ ತನ್ನ ಮದುವೆ ಸಮಾರಂಭವೊಂದರಲ್ಲಿ ತನ್ನ ಸ್ನೇಹಿತರು ಮತ್ತು ಸಂಬಂಧಿಕರಿಂದ ಮದುವೆಯ ಉಡುಗೊರೆಯಾಗಿ ನಿಂಬೆಹಣ್ಣುಗಳನ್ನು ಉಡುಗೊರೆಯಾಗಿ ಪಡೆದಿದ್ದಾನೆ.
