ಸಮಗ್ರ ನ್ಯೂಸ್: ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ಇರಾನ್ಗೆ ತೀವ್ರ ಎಚ್ಚರಿಕೆ ನೀಡಿದ್ದು, ತಮ್ಮನ್ನು ಹತ್ಯೆ ಮಾಡಲು ಯಾವುದೇ ಯತ್ನ ನಡೆದರೆ ಇರಾನ್ ವಿರುದ್ಧ 1,000 ಕ್ಷಿಪಣಿಗಳ ಭಾರೀ ದಾಳಿ ನಡೆಸಲಾಗುವುದು ಎಂದು ಹೇಳಿದ್ದಾರೆ. ಈ ಕುರಿತು ಸಾಮಾಜಿಕ ಜಾಲತಾಣ Truth Social ನಲ್ಲಿ ಪೋಸ್ಟ್ ಮಾಡಿರುವ ಟ್ರಂಪ್, ಅಮೆರಿಕದ ಸೇನೆಗೆ ಈಗಾಗಲೇ ಅಗತ್ಯ ಆದೇಶಗಳನ್ನು ನೀಡಲಾಗಿದೆ ಎಂದು ತಿಳಿಸಿದ್ದಾರೆ.
...
..
.ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ಇರಾನ್ಗೆ ಕಠಿಣ ಎಚ್ಚರಿಕೆ ನೀಡಿದ್ದಾರೆ. ತಮ್ಮನ್ನು ಹತ್ಯೆ ಮಾಡಲು ಇರಾನ್ ಯತ್ನಿಸಿದರೆ, ಇರಾನ್ನ್ನು ಗುರಿಯಾಗಿಸಿಕೊಂಡು 1,000 ಕ್ಷಿಪಣಿಗಳನ್ನು ಈಗಾಗಲೇ ಸಜ್ಜುಗೊಳಿಸಲಾಗಿದೆ ಎಂದು ಅವರು ಹೇಳಿದ್ದಾರೆ.
ಶನಿವಾರ ತಮ್ಮ ಸಾಮಾಜಿಕ ಜಾಲತಾಣ Truth Socialನಲ್ಲಿ ಪೋಸ್ಟ್ ಮಾಡಿರುವ ಟ್ರಂಪ್, ತಮ್ಮ ವಿರುದ್ಧ ದಾಳಿ ನಡೆದರೆ ಇರಾನ್ ವಿರುದ್ಧ ಭಾರೀ ಸೇನಾ ಕಾರ್ಯಾಚರಣೆ ನಡೆಸಲು ಅಮೇರಿಕಾ ಈಗಾಗಲೇ ಪೂರ್ವಾನುಮತಿ ನೀಡಿದ್ದು, ಸೇನೆಗೆ ಅಗತ್ಯ ಆದೇಶಗಳನ್ನು ನೀಡಲಾಗಿದೆ ಎಂದು ತಿಳಿಸಿದ್ದಾರೆ.
“ಅಮೆರಿಕದ ಹಾಲಿ ಅಧ್ಯಕ್ಷರನ್ನು, ಈ ಸಂದರ್ಭದಲ್ಲಿ ನನ್ನನ್ನು, ಹತ್ಯೆ ಮಾಡಲು ಇರಾನ್ ಯತ್ನಿಸಿದರೆ, ಇರಾನ್ನ್ನು ಗುರಿಯಾಗಿಸಿಕೊಂಡು 1,000 ಕ್ಷಿಪಣಿಗಳು ಲಾಕ್ ಆಗಿ ಉಡಾವಣೆಗೆ ಸಿದ್ಧವಾಗಿವೆ,” ಎಂದು ಟ್ರಂಪ್ ಬರೆದುಕೊಂಡಿದ್ದಾರೆ. ಇದರ ಜೊತೆಗೆ, ಮೊದಲ ದಾಳಿಯ ನಂತರ ಸಾವಿರಾರು ಹೆಚ್ಚುವರಿ ಕ್ಷಿಪಣಿಗಳನ್ನೂ ತಕ್ಷಣ ಉಡಾಯಿಸಲಾಗುವುದು ಎಂದು ಅವರು ಎಚ್ಚರಿಸಿದ್ದಾರೆ. ಅಗತ್ಯವಿರುವ ಎಲ್ಲ ಆದೇಶಗಳನ್ನು ಈಗಾಗಲೇ ನೀಡಲಾಗಿದ್ದು, ಅಮೆರಿಕದ ಸೇನೆ ಕಾರ್ಯಾಚರಣೆಗೆ ಸಂಪೂರ್ಣ ಸಿದ್ಧವಾಗಿದೆ ಎಂದು ಅವರು ಹೇಳಿದ್ದಾರೆ.
