ಸಮಗ್ರ ನ್ಯೂಸ್: ಇತಿಹಾಸ ನಿರ್ಮಿಸಿರುವ ಆಕ್ಸಿಯಮ್ ಮಿಷನ್ -4 ಬಾಹ್ಯಾಕಾಶ ಪ್ರಯೋಗ ಯಶಸ್ವಿಯಾಗಿ ಪೂರ್ಣಗೊಂಡಿದ್ದು, ಈ ಮಿಷನ್ಗೆ ನಾಯಕತ್ವ ನೀಡಿದ ಭಾರತೀಯ ಮೂಲದ ಗಗನಯಾತ್ರಿ ಶುಭಾಂಶು ಶುಕ್ಲಾ ಹಾಗೂ ಅವರ ತಂಡವು ಮಂಗಳವಾರ ಭೂಮಿಗೆ ಸುರಕ್ಷಿತವಾಗಿ ಮರಳಲಿದ್ದಾರೆ. ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದಿಂದ (ISS) ಡ್ರಾಗನ್ ನೌಕೆಯ ಅನ್ಡಾಕಿಂಗ್ ಪ್ರಕ್ರಿಯೆ ಇಂದು ಸಂಜೆ 4:35ಕ್ಕೆ ಪ್ರಾರಂಭವಾಗಲಿದ್ದು, ಗಗನಯಾತ್ರಿಗಳು ನಾಳೆ ಮಧ್ಯಾಹ್ನ 2:25ಕ್ಕೆ ನೌಕೆಯೊಳಗೆ ಪ್ರವೇಶಿಸಲಿದ್ದಾರೆ. ಈ ಪ್ರಯಾಣದ ಅಂತಿಮ ಹಂತವಾಗಿ, ಮಂಗಳವಾರ ಮಧ್ಯಾಹ್ನ 3 ಗಂಟೆಗೆ ಅವರು ಕ್ಯಾಲಿಫೋರ್ನಿಯಾದ ಸಮುದ್ರ ತೀರದ ಬಳಿ ಭೂಮಿಗೆ ತಲುಪಲಿದ್ದಾರೆ.
...
..
ಫ್ಲೋರಿಡಾದ ಕೆನಡಿ ಬಾಹ್ಯಾಕಾಶ ಕೇಂದ್ರದಿಂದ ಜೂನ್ 25ರಂದು ಡ್ರಾಗನ್ ನೌಕೆಯ ಮೂಲಕ ಇವರು ಬಾಹ್ಯಾಕಾಶಕ್ಕೆ ಪಯಣ ಆರಂಭಿಸಿದರು. ಮಿಷನ್ ಯಶಸ್ವಿಯಾಗಿ ಬಾಹ್ಯಾಕಾಶ ನಿಲ್ದಾಣಕ್ಕೆ ಡಾಕ್ ಆಗಿ, ಹಲವು ವೈಜ್ಞಾನಿಕ ಪ್ರಯೋಗಗಳನ್ನು ಯಶಸ್ವಿಯಾಗಿ ನಿರ್ವಹಿಸಲಾಯಿತು. ಶುಭಾಂಶು ಶುಕ್ಲಾ ಅವರೊಂದಿಗೆ ಇತರ ಮೂರು ಗಗನಯಾತ್ರಿಗಳು ಪೆಗ್ಗಿ ವಿಟ್ಸನ್, ಸ್ಲಾವೋಸ್ಟ್ ಉಜ್ಜಾನ್ನಿ-ವಿಸ್ನಿಯೆವಿ ಮತ್ತು ಟಿಬೋರ್ ಕಾಪು – ಕೂಡ ಈ ಬೃಹತ್ ಮಿಷನ್ನಲ್ಲಿ ಭಾಗಿಯಾಗಿದ್ದರು. ಇವರುಗಳು ವಿವಿಧ ಪ್ರಾಯೋಗಿಕ ಹಾಗೂ ಸಂಶೋಧನಾ ಕಾರ್ಯಗಳನ್ನು ಕೈಗೊಂಡು ಬಾಹ್ಯಾಕಾಶದಲ್ಲಿರುವ ಸಮಯವನ್ನು ವಿಜ್ಞಾನ ಅಭಿವೃದ್ಧಿಗೆ ಸಮರ್ಪಿಸಿದರು. ಈ ಮಿಷನ್ನ ಯಶಸ್ಸು, ಖಾಸಗಿ ಬಾಹ್ಯಾಕಾಶ ಉದ್ದಿಮೆಗಳ ಭವಿಷ್ಯಕ್ಕೆ ಹೊಸ ದಿಕ್ಕು ತೋರಿದಂತಾಗಿದ್ದು, ಬಾಹ್ಯಾಕಾಶ ಸಂಶೋಧನೆ ಕ್ಷೇತ್ರದಲ್ಲಿ ಮತ್ತೊಂದು ಮೈಲಿಗಲ್ಲಾಗಲಿದೆಯೆಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
