,ಸಮಗ್ರ ನ್ಯೂಸ್: ಮೊಬೈಲ್ ಇಂಟರ್ನೆಟ್ ಡೇಟಾ ಬಳಸದೆ ಕೇವಲ ಕರೆ ಮತ್ತು ಸಂದೇಶಗಳಿಗಷ್ಟೇ ಮೊಬೈಲ್ ಬಳಸುವ ಗ್ರಾಹಕರಿಗೆ ಭಾರ್ತಿ ಏರ್‌ಟೆಲ್ ಭರ್ಜರಿ ಸಿಹಿ ಸುದ್ದಿ ನೀಡಿದೆ. ಕೇಂದ್ರ ಸರ್ಕಾರದ ನೂತನ ಟೆಲಿಕಾಂ ನಿಯಮಾವಳಿಗಳಿಗೆ ಅನುಗುಣವಾಗಿ, ಯಾವುದೇ ಬಂಡಲ್ಡ್ ಡೇಟಾ ಇಲ್ಲದ ಕೇವಲ ವಾಯ್ಸ್ ಮತ್ತು ಎಸ್ಎಂಎಸ್ ಸೌಲಭ್ಯ ಹೊಂದಿರುವ ಮೂರು ಹೊಸ ಪ್ರಿಪೇಯ್ಡ್ ಯೋಜನೆಗಳನ್ನು ಪರಿಚಯಿಸಿದ ದೇಶದ ಮೊಟ್ಟಮೊದಲ ಟೆಲಿಕಾಂ ಕಂಪನಿ ಎಂಬ ಹೆಗ್ಗಳಿಕೆಗೆ ಏರ್‌ಟೆಲ್ ಪಾತ್ರವಾಗಿದೆ.
.
.
ಭಾರತೀಯ ಟೆಲಿಕಾಂ ನಿಯಂತ್ರಣ ಪ್ರಾಧಿಕಾರವು (Telecom Regulatory Authority of India – TRAI) ವಿಧಿಸಿದ್ದ ಅಕ್ಟೋಬರ್ 21ರ ಗಡುವಿಗೂ ಮುನ್ನವೇ ಏರ್‌ಟೆಲ್ ಈ ಯೋಜನೆಗಳನ್ನು ಅಧಿಕೃತವಾಗಿ ಬಿಡುಗಡೆ ಮಾಡಿದೆ. ಈ ಹೊಸ ಪ್ಲಾನ್‌ಗಳು ಈಗಾಗಲೇ ಏರ್‌ಟೆಲ್ ಅಧಿಕೃತ ವೆಬ್‌ಸೈಟ್ ಹಾಗೂ ಮೊಬೈಲ್ ಆಯಪ್‌ನಲ್ಲಿ ಗ್ರಾಹಕರಿಗೆ ರೀಚಾರ್ಜ್‌ಗೆ ಲಭ್ಯವಿವೆ.
.
ಕರೆ ಮತ್ತು ಸಂದೇಶಗಳಿಗಾಗಿಯೇ ಮೀಸಲಾಗಿರುವ ಈ ಪ್ಲಾನ್‌ಗಳಲ್ಲಿ ಅನಿಯಮಿತ ಲೋಕಲ್, ಎಸ್‌ಟಿಡಿ ಹಾಗೂ ರೋಮಿಂಗ್ ಕರೆಗಳ (Unlimited Local, STD and Roaming Calls) ಜೊತೆಗೆ ಒಟ್ಟು 300 ಉಚಿತ ಎಸ್ಎಂಎಸ್ (300 SMS) ಸೌಲಭ್ಯ ದೊರೆಯಲಿದೆ. ಇದರೊಂದಿಗೆ ಗ್ರಾಹಕರು ಯಾವುದೇ ಹೆಚ್ಚುವರಿ ಶುಲ್ಕವಿಲ್ಲದೆ ಉಚಿತವಾಗಿ ಕಾಲರ್ ಟ್ಯೂನ್ ಸೆಟ್ ಮಾಡಿಕೊಳ್ಳಲು ‘ಹಲೋ ಟ್ಯೂನ್ಸ್’ (Free HelloTunes) ಸೌಲಭ್ಯವನ್ನೂ ನೀಡಲಾಗಿದೆ.
ರೂ. 185 ಪ್ಲಾನ್ (Rs 185 Plan): ಇದು ಅತ್ಯಂತ ಕಡಿಮೆ ಬೆಲೆಯ ಯೋಜನೆಯಾಗಿದ್ದು, 28 ದಿನಗಳ ಮಾನ್ಯತೆ (28 Days Validity) ಒಳಗೊಂಡಿದೆ.
ರೂ. 203 ಪ್ಲಾನ್ (Rs 203 Plan): ಇದರಲ್ಲಿಯೂ ಅನಿಯಮಿತ ಕರೆ ಹಾಗೂ 300 ಎಸ್ಎಂಎಸ್ ಲಭ್ಯವಿದ್ದು, 30 ದಿನಗಳ ನಿಗದಿತ ಮಾನ್ಯತೆ (30 Days Validity) ಇರಲಿದೆ.
ರೂ. 206 ಪ್ಲಾನ್ (Rs 206 Plan): ದಿನಗಳ ಲೆಕ್ಕಾಚಾರದ ಬದಲು ಸಂಪೂರ್ಣ ಕ್ಯಾಲೆಂಡರ್ ತಿಂಗಳ ಮಾನ್ಯತೆಯನ್ನು (Calendar-Month Validity) ನೀಡಲಾಗಿದ್ದು, ಕರೆ ಮತ್ತು 300 ಎಸ್ಎಂಎಸ್ ಸೌಲಭ್ಯ ಒಳಗೊಂಡಿದೆ.
