ಸಮಗ್ರ ನ್ಯೂಸ್: 2026ರ ಕೊನೆಯ ಮೂರು ತಿಂಗಳುಗಳಲ್ಲಿ ಭಾರತದ ಕರಾವಳಿ ಭಾಗಗಳಲ್ಲಿ ಚಂಡಮಾರುತಗಳ ಅಬ್ಬರ ತೀವ್ರಗೊಳ್ಳುವ ಸಾಧ್ಯತೆಯಿದೆ. ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಉಲ್ಲೇಖಿಸಿರುವ ಹವಾಮಾನ ಮುನ್ಸೂಚನೆಯ ಪ್ರಕಾರ, ಅಕ್ಟೋಬರ್ನಿಂದ ಡಿಸೆಂಬರ್ ಅವಧಿಯಲ್ಲಿ ಉತ್ತರ ಹಿಂದೂ ಮಹಾಸಾಗರದಲ್ಲಿ ಸುಮಾರು ಮೂರು ಪ್ರಬಲ ಉಷ್ಣವಲಯದ ಚಂಡಮಾರುತಗಳು ಸೃಷ್ಟಿಯಾಗುವ ನಿರೀಕ್ಷೆಯಿದೆ.
.
ವಿಶೇಷವೆಂದರೆ, ಈ ಬಾರಿ ರೂಪುಗೊಳ್ಳಬಹುದಾದ ಚಂಡಮಾರುತಗಳ ಸಂಚಿತ ತೀವ್ರತೆಯು ಕಳೆದ 44 ವರ್ಷಗಳ ಸರಾಸರಿಗಿಂತ ಶೇ. 83 ರಷ್ಟು ಹೆಚ್ಚು ಶಕ್ತಿಯುತವಾಗಿರಲಿದೆ ಎಂದು ಅಂದಾಜಿಸಲಾಗಿದೆ.
.
.
.
ಸಾಮಾನ್ಯವಾಗಿ ಮುಂಗಾರು ನಂತರದ ಅವಧಿಯಲ್ಲಿ ಅರಬ್ಬಿ ಸಮುದ್ರ ಹಾಗೂ ಬಂಗಾಳಕೊಲ್ಲಿಯಲ್ಲಿ ಚಂಡಮಾರುತದ ಚಟುವಟಿಕೆಗಳು ಗರಿಗೆದರುತ್ತವೆ. ಪ್ರಸ್ತುತ ಮುನ್ಸೂಚನೆಯಂತೆ ಪ್ರಬಲ ವಾಯುಭಾರ ಕುಸಿತ ಅಥವಾ ಚಂಡಮಾರುತಗಳು ಎದ್ದರೆ, ಕರಾವಳಿ ತೀರಗಳಲ್ಲಿ ಭಾರೀ ಗಾಳಿ-ಮಳೆ ಹಾಗೂ ಬೃಹತ್ ಗಾತ್ರದ ಅಲೆಗಳು ಅಪ್ಪಳಿಸುವ ಅಪಾಯವಿದೆ. ಪಶ್ಚಿಮ ಕರಾವಳಿ ಭಾಗಗಳಾದ ಗುಜರಾತ್ ಮತ್ತು ಮಹಾರಾಷ್ಟ್ರ ರಾಜ್ಯಗಳು ಅರಬ್ಬಿ ಸಮುದ್ರದ ಬೆಳವಣಿಗೆಗಳ ಮೇಲೆ ತೀವ್ರ ನಿಗಾ ಇರಿಸಬೇಕಾಗಿದೆ.
ಇದು ಋತುಮಾನ ಆಧಾರಿತ ದೀರ್ಘಾವಧಿ ಮುನ್ಸೂಚನೆಯಾಗಿದ್ದು, ಈ ಮೂರೂ ಚಂಡಮಾರುತಗಳು ಭಾರತ ಅಥವಾ ಗುಜರಾತ್ ಕರಾವಳಿಗೇ ಅಪ್ಪಳಿಸುತ್ತವೆ ಎಂದರ್ಥವಲ್ಲ ಎಂದು ಹವಾಮಾನ ತಜ್ಞರು ಸ್ಪಷ್ಟಪಡಿಸಿದ್ದಾರೆ. ಸಮುದ್ರದಲ್ಲಿ ವಾಯುಭಾರ ಕುಸಿತಗಳು ಅಧಿಕೃತವಾಗಿ ಸೃಷ್ಟಿಯಾದ ಬಳಿಕವಷ್ಟೇ ಚಂಡಮಾರುತ ಚಲಿಸುವ ನಿಖರ ದಿಕ್ಕು, ವೇಗ ಹಾಗೂ ಭೂಕುಸಿತದ (Landfall) ಸ್ಥಳ ತಿಳಿಯಲಿದ್ದು, ಕರಾವಳಿ ರಾಜ್ಯಗಳು ಮುನ್ನೆಚ್ಚರಿಕೆ ವಹಿಸಲು ಸೂಚಿಸಲಾಗಿದೆ.
