ಸಮಗ್ರ ನ್ಯೂಸ್: ಶಕ್ತಿ ಯೋಜನೆಯ ಎಫೆಕ್ಟ್ ಆದಾಯದ ಮೂಲ ಹೆಚ್ಚಿಸಲು ಕೆಎಸ್ಆರ್ಟಿಸಿ ಮಾಸ್ಟರ್ ಪ್ಲಾನ್ ಮಾಡಿದ್ದು, ಬಸ್ಗಳಿಗೆ ಬೇಡಿಕೆ ಹೆಚ್ಚಿರುವ ಹಿನ್ನಲೆ ಒಪ್ಪಂದದ ಮೇರೆಗೆ ಬಸ್ ದರ ಪರಿಷ್ಕರಣೆ ಮಾಡಲಾಗಿದೆ.
.
.
.
.
.
.
.
.
.
.ಬಸ್ ದರ ಪರಿಷ್ಕರಣೆ ಮಾಡಿ KSRTC ನಿಗಮ ಆದೇಶ ಹೊರಡಿಸಿದೆ. ಒಪ್ಪಂದದ ಮೇರೆಗೆ ಸಂಚಾರ ಮಾಡುವ KSRTC ಸಾಮಾನ್ಯ ಬಸ್ ಗಳ ದರ ಏರಿಕೆ ಮಾಡಲಾಗಿದೆ. ಕರ್ನಾಟಕ ಸಾರಿಗೆ, ರಾಜಹಂಸ ಎಕ್ಸಿಕ್ಯೂಟಿವ್, ರಾಜಹಂಸ ಸೇರಿದಂತೆ 7 ವಿವಿಧ ರೀತಿಯ ಒಪ್ಪಂದದ ಮೇರೆಗೆ ಸಂಚಾರ ಮಾಡುವ ಬಸ್ಗಳ ದರ ಪರಿಷ್ಕರಣೆ ಮಾಡಲಾಗಿದೆ.
.
.
.
ಪರಿಷ್ಕೃತ ದರ ಆ. 1ರಿಂದ ಜಾರಿ ಆಗಲಿದ್ದು ಈ ಆದೇಶಕ್ಕೂ ಮುನ್ನ ಬುಕ್ಕಿಂಗ್ ಮಾಡಿರುವ ಒಪ್ಪಂದದ ಬಸ್ಗಳಿಗೆ ಹಳೆಯ ದರ ಮುಂದುವರಿಕೆ ಮಾಡಲಾಗುತ್ತದೆ. ಹೊಸ ಆದೇಶದ ಪ್ರಕಾರ ಮೈಸೂರು ವ್ಯಾಪ್ತಿಯಲ್ಲಿ ಗಂಟೆಗಳ ಲೆಕ್ಕದಲ್ಲಿ ವಾಹನ ವ್ಯವಸ್ಥೆ ರದ್ದು ಮಾಡಲಾಗಿದೆ.
ಕರ್ನಾಟಕ ಸಾರಿಗೆ ಸಾಮಾನ್ಯ ಬಸ್ಗಳು ಪ್ರತಿ ಕಿ.ಮೀ. ಗೆ ರಾಜ್ಯದೊಳಗೆ 47 ರೂಪಾಯಿ ಹಾಗೂ ಅಂತರ ರಾಜ್ಯದಲ್ಲಿ ಪ್ರತಿ ಕಿ.ಮೀ. ಗೆ 50 ರೂಪಾಯಿ ನಿಗದಿ ಮಾಡಲಾಗಿದೆ. ಆಸನಗಳ ಸಂಖ್ಯೆ 55-57 ಇದ್ದು, ವಾರದ ಎಲ್ಲಾ ದಿನ ಒಂದೇ ದರ ನಿಗದಿಯಾಗಿದ್ದು, ಕನಿಷ್ಠ ದಿನಕ್ಕೆ 350 ಕಿ.ಮೀ. ನಿಗದಿಯಾಗಿದೆ.
ರಾಜಹಂಸ ಎಕ್ಸಿಕ್ಯೂಟಿವ್ ಬಸ್ಗಳಲ್ಲಿ 36 ಆಸನಗಳನ್ನು ಹೊಂದಿದ್ದು, ರಾಜ್ಯದೊಳಗೆ 48 ರೂಪಾಯಿ ಹಾಗೂ ಅಂತರ್ ರಾಜ್ಯದಲ್ಲಿ 53 ರೂಪಾಯಿಗಳನ್ನು ಪ್ರತಿ ಕಿ.ಮೀ. ನಿಗದಿ ಪಡಿಸಲಾಗಿದೆ. ವಾರದ ಎಲ್ಲಾ ದಿನ ಒಂದೇ ದರ ನಿಗದಿಯಾಗಿದ್ದು, ಕನಿಷ್ಠ ದಿನಕ್ಕೆ 350 ಕಿಮೀ ನಿಗದಿ ಮಾಡಲಾಗಿದೆ.
ರಾಜಹಂಸ ಬಸ್ಗಳಲ್ಲಿ, 39 ಬಸ್ಗಳನ್ನು ಹೊಂದಿದ್ದು, ರಾಜ್ಯದೊಳಗೆ 51 ರೂಪಾಯಿ ಮತ್ತು ಅಂತರ್ ರಾಜ್ಯದಲ್ಲಿ 55 ರೂಪಾಯಿ ನಿಗದಿ ಪಡಿಸಲಾಗಿದೆ. ವಾರದ ಎಲ್ಲಾ ದಿನ ಒಂದೇ ದರ ನಿಗದಿಯಾಗಿದ್ದು, ಕನಿಷ್ಠ ಕಿ.ಮೀ. ದಿನಕ್ಕೆ 350 ನಿಗದಿ ಮಾಡಲಾಗಿದೆ.
ಮೈಸೂರು ನಗರ ಸಾರಿಗೆ ಸೆಮಿ ಲೋಫ್ಲೋರ್ ಬಸ್ಗಳು 42 ಆಸನಗಳನ್ನು ಹೊಂದಿದ್ದು, ರಾಜ್ಯದೊಳಗೆ 45 ರೂಪಾಯಿ ನಿಗದಿ ಮಾಡಲಾಗಿದೆ. ದಿನಕ್ಕೆ ಕನಿಷ್ಠ 300 ಕಿಮೀ ನಿಗದಿ ಮಾಡಲಾಗಿದ್ದು, ವಾರದ ಎಲ್ಲಾ ದಿನ ಒಂದೇ ದರ ನಿಗದಿ ಮಾಡಲಾಗಿದೆ.
ಆಸನಗಳನ್ನು ಹೊಂದಿರುವ ಮಿನಿ ಬಸ್ಗೆ ರಾಜ್ಯದ ಒಳಗೆ ಪ್ರತಿ ಕಿಲೋ ಮೀಟರ್ಗೆ 40 ರೂಪಾಯಿಯಂತೆ, ದಿನಕ್ಕೆ 300 ಕನಿಷ್ಠ ಕಿ.ಮೀ.ನಂತೆ ದರ ನಿಗದಿ ಪಡಿಸಲಾಗಿದೆ. 32 ಆಸನಗಳನ್ನು ಹೊಂದಿರುವ ನಾನ್ ಏಸಿ ಸ್ಲೀಪರ್ ಬಸ್ಗಳಿಗೆ ಪ್ರತಿ ಕಿಲೋಮೀಟರ್ಗೆ ರಾಜ್ಯದೊಳಗೆ 55 ರೂಪಾಯಿ, ಅಂತರ್ ರಾಜ್ಯದಲ್ಲಿ 60 ರೂಪಾಯಿ ನಿಗದಿ ಮಾಡಲಾಗಿದ್ದು, ದಿನಕ್ಕೆ ಕನಿಷ್ಠ 400 ಕಿಲೋ ಮೀಟರ್ ನಿಗದಿ ಪಡಿಸಲಾಗಿದೆ.
