ಸಮಗ್ರ ನ್ಯೂಸ್: ಕೊಡಗಿನಲ್ಲಿ ಕಾಳ್ಗಿಚ್ಚಿ‌ನ ಹಾವಳಿ ಮುಂದುವರೆದಿದ್ದು, ಭಾಗಮಂಡಲ ಸಮೀಪದ ತಾವೂರು, ತಣ್ಣಿಮಾನಿ ಬೆಟ್ಟದಲ್ಲಿ ಭಾರೀ ಅವಘಡ ಸಂಭವಿಸಿದೆ.
.
.
.
.
.
.
.
.
.
.ಭಾನುವಾರ ಸಂಜೆಯಿಂದ ಬೆಟ್ಟದಲ್ಲಿ ಬೆಂಕಿ ಕಾಣಿಸಿಕೊಂಡಿದ್ದು,
ಭಾಗಮಂಡಲ ಪಟ್ಟಣಕ್ಕೆ ಬೆಂಕಿಯ ಜ್ವಾಲೆ ಗೋಚರಿಸುತ್ತಿದೆ. ಬೆಟ್ಟದ ಕೆಳಗಿನ ಸ್ಥಳೀಯ ನೂರಾರು ಎಕರೆ ತೋಟಗಳಿಗೆ ಬೆಂಕಿ ಹರಡುವ ಆತಂಕ ಎದುರಾಗಿದೆ.
.
.
.
ಅರಣ್ಯ ಇಲಾಖೆ ಸಿಬ್ಬಂದಿ ಸ್ಥಳದಲ್ಲಿ ಬೆಂಕಿ ನಂದಿಸಲು ಹರಸಾಹಸ ಪಡುತ್ತಿದ್ದು, ಅಗ್ನಿಶಾಮಕ ದಳ ತೆರಳಲು ಸಾಧ್ಯವಿಲ್ಲದ ಹಿನ್ನೆಲೆ ಕಾಡು ಸೊಪ್ಪು ಬಳಿಸಿ ಬೆಂಕಿ ನಂದಿಸುವ ಕಾರ್ಯ ನಡೆಯುತ್ತಿದೆ. ಡಿ ಎಫ್ ಓ ಪೂವಯ್ಯ ಮಾರ್ಗದಶನದಲ್ಲಿ ಆರ್ ಎಫ್ ಓ ರವೀಂದ್ರ ಹಾಗೂ ಸಿಬ್ಬಂದಿಗಳು ಬೆಂಕಿ ನಂದಿಸುವ ಪ್ರಯತ್ನ ಮಾಡುತ್ತಿದ್ದಾರೆ.
ಇನ್ನು ಇಗ್ಗುತಪ್ಪ ಬೆಟ್ಟದಲ್ಲೂ ಭಾರೀ ಕಾಳ್ಗಿಚ್ಚು ಆವರಿಸಿಕೊಂಡಿದ್ದು, ಅಪಾರ ಅರಣ್ಯ ನಾಶವಾಗಿದೆ. 100 ಎಕ್ರೆಗೂ ಅಧಿಕ ಅರಣ್ಯ ಸಂಪತ್ತು ಅಗ್ನಿಗಾಹುತಿಯಾಗಿದೆ ಎಂದು ಅರಣ್ಯ ಇಲಾಖೆ ತಿಳಿಸಿದ್ದು, ಬೆಂಕಿ ನಂದಿಸಲು ಸ್ವಯಂ ಸೇವಕರಿಗೆ ಕೊಡಗು ಅರಣ್ಯ ಇಲಾಖೆ ಮನವಿ ಮಾಡಿದೆ.
