.
.
.
.
.
.
.
.
.
.ಮುಂಬೈ ಮೂಲದ ನ್ಯೂಜಿಲೆಂಡ್ ಸ್ಪಿನರ್ ಅಜಾಜ್ ಪಟೇಲ್ ಮುಂಬೈನ ವಾಂಖೆಡೆ ಸ್ಟೇಡಿಯಂನಲ್ಲಿ ಟೆಸ್ಟ್ ಪಂದ್ಯದ ಒಂದೇ ಇನ್ನಿಂಗ್ಸ್ನಲ್ಲಿ 10 ವಿಕೆಟ್ ಪಡೆದ ವಿಶ್ವದ ಮೂರನೇ ಕ್ರಿಕೆಟಿಗ ಎಂಬ ಕೀರ್ತಿಗೆ ಪಾತ್ರರಾಗಿದ್ದಾರೆ. ಜಿಮ್ ಲೇಖರ್ ಹಾಗೂ ಅನಿಲ್ ಕುಂಬ್ಳೆ ಕೂಡ ಟೆಸ್ಟ್ ಇತಿಹಾಸದಲ್ಲಿ ಈ ಸಾಧನೆ ಮಾಡಿದ್ದಾರೆ.
.
.
.
ಇದೀಗ ಈ ಸಾಲಿಗೆ ಅಜಾಜ್ ಪಟೇಲ್ ಕೂಡ ಸೇರಿದ್ದಾರೆ.
ಟೀಂ ಇಂಡಿಯಾ ಹಾಗೂ ನ್ಯೂಜಿಲೆಂಡ್ ನಡುವಿನ ಮೊದಲ ಇನ್ನಿಂಗ್ಸ್ ಟೆಸ್ಟ್ನ ಎರಡನೆ ದಿನವಾದ ಇಂದು ಮೊಹಮ್ಮದ್ ಸಿರಾಜ್ ವಿಕೆಟ್ನ್ನು ಕಿತ್ತುಕೊಳ್ಳುವ ಮೂಲಕ ಟೀಂ ಇಂಡಿಯಾದ 10 ಆಟಗಾರರ ವಿಕೆಟ್ನ್ನು ಒಬ್ಬನೇ ಕಿತ್ತ ಸಾಧನೆಯನ್ನು ಅಜಾಜ್ ಪಟೇಲ್ ಮಾಡಿದ್ರು. ಜಿಮ್ ಲೇಕರ್ 1956ರಲ್ಲಿ 53 ರನ್ ನೀಡಿ 10 ವಿಕೆಟ್ಗಳನ್ನು ಕಬಳಿಸುವ ಮೂಲಕ ಈ ಸಾಧನೆಯನ್ನು ಮಾಡಿದ್ದರು. ಅನಿಲ್ ಕುಂಬ್ಳೆ ಪಾಕ್ ವಿರುದ್ಧದ ಪಂದ್ಯದಲ್ಲಿ ಕೇವಲ 26.3 ಓವರ್ಗಳಲ್ಲಿ 74 ರನ್ಗಳಿಗೆ 10 ವಿಕೆಟ್ಗಳನ್ನು ಪಡೆದಿದ್ದರು.
8ನೇ ವಯಸ್ಸಿನಲ್ಲಿಯೇ ಭಾರತದಿಂದ ನ್ಯೂಜಿಲೆಂಡ್ಗೆ ತೆರಳಿದ್ದ ಅಜಾಜ್ ಪಟೇಲ್ ಇದೀಗ ಟೀಂ ಇಂಡಿಯಾ ಆಟಗಾರರ ಪಾಲಿಗೆ ಸಿಂಹಸ್ವಪ್ನ ಎನಿಸಿದ್ದಾರೆ. ಇದೇ ಮೊದಲ ಬಾರಿಗೆ ಭಾರತದ ನೆಲದಲ್ಲಿ ಆಡುತ್ತಿರುವ ಅಜಾಜ್ ಈ ಸಾಧನೆಯನ್ನು ಮಾಡಿದ್ದಾರೆ.
ಅಜಾಜ್ ಟೀಂ ಇಂಡಿಯಾದ ಶುಭಮನ್ ಗಿಲ್, ಚೇತೇಶ್ವರ ಪೂಜಾರಾ, ವಿರಾಟ್ ಕೊಹ್ಲಿ ಹಾಗೂ ಶ್ರೇಯಸ್ ಅಯ್ಯರ್ ಅವರನ್ನು ಮೊದಲ ದಿನ ಔಟ್ ಮಾಡಿದ್ದರು. ಇಂದು ವೃದ್ಧಿಮಾನ್ ಸಾಹಾ, ಆರ್. ಅಶ್ವಿನ್, ಮಯಂಕ್ ಅಗರ್ವಾಲ್, ಅಕ್ಸರ್ ಪಟೇಲ್, ಜಯಂತ್ ಯಾದವ್ ಹಾಗೂ ಮೊಹಮ್ಮದ್ ಸಿರಾಜ್ ವಿಕೆಟ್ ಕಬಳಿಸಿದ್ದಾರೆ.
