ಮಂಗಳೂರು: ಮನೆಯಂಗಳದಲ್ಲಿ ಕಟ್ಟಿಹಾಕಿದ್ದ 6 ದನಗಳು ಕಳವು

ಸಮಗ್ರ ನ್ಯೂಸ್: ಮಂಗಳೂರು ಸಮೀಪದ ಪಂಜಿಮೊಗರು ಉರುದಾಂಡಿ ಗುಡ್ಡೆ ನಿವಾಸಿ ಕಲಂದರ್ ಅವರಿಗೆ ಸೇರಿದ ಆರು ದನಗಳನ್ನು ಎರಡು ದಿನಗಳ ಅಂತರದಲ್ಲಿ ಯಾರೋ ಕಳವು ಮಾಡಿರುವ ಬಗ್ಗೆ ಕಾವೂರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಕಳವಾದ ದನಗಳ ಮೌಲ್ಯ ಸುಮಾರು 2 ಲಕ್ಷ ರೂ. ಆಗಬಹುದು ಎಂದು ಅಂದಾಜಿಸಲಾಗಿದೆ.

. Ad Widget . Ad Widget . Ad Widget

ಅಧ್ಯಾಪಕ ವೃತ್ತಿ ಮಾಡಿಕೊಂಡಿರುವ ಕಲಂದರ್ ಅವರು 13 ದನಗಳನ್ನು ಸಾಕಿಕೊಂಡು ಪಶುಸಂಗೋಪನೆಯಲ್ಲಿಯೂ ತೊಡಗಿಸಿಕೊಂಡಿದ್ದರು. ನ.12ರಂದು ರಾತ್ರಿ ಎಲ್ಲ ದನಗಳನ್ನು ಮನೆಯ ಕಂಪೌಂಡ್ ಒಳಗೆ ಕೂಡಿ ಹಾಕಿದ್ದರು.

. Ad Widget .

ನ.13ರಂದು ಮುಂಜಾನೆ ಎದ್ದು ನೋಡಿದಾಗ ಎರಡು ದನಗಳು ನಾಪತ್ತೆಯಾಗಿದ್ದವು. ನ.13ರಂದು ರಾತ್ರಿ ಉಳಿದ ದನಗಳನ್ನು ಮತ್ತೆ ಕಂಪೌಂಡ್ ಒಳಗೆ ಕೂಡಿ ಹಾಕಿದ್ದರು. ನ.14ರಂದು ಮುಂಜಾನೆ ಪರಿಶೀಲಿಸಿದಾಗ ಮತ್ತೆ ನಾಲ್ಕು ದನಗಳು ಕಳವಾಗಿರುವುದು ಕಂಡುಬಂದಿದೆ. ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.

Leave a Comment

Your email address will not be published. Required fields are marked *