ಸಮಗ್ರ ನ್ಯೂಸ್: ಕರ್ಪೂರವನ್ನು ಮಂಗಳಕರವೆಂದು ಪರಿಗಣಿಸಲಾಗುತ್ತದೆ. ನಂಬಿಕೆಗಳ ಪ್ರಕಾರ, ಈ ಕರ್ಪೂರವು ನಿಮ್ಮ ಅನೇಕ ಸಮಸ್ಯೆಗಳನ್ನು ಕ್ಷಣಮಾತ್ರದಲ್ಲಿ ನಿವಾರಿಸುತ್ತದೆ. ಇದು ದೈನಂದಿನ ದಿನಚರಿಯಲ್ಲಿ ಬಳಸಬಹುದಾದ ಉಪಯುಕ್ತ ಸಾಧನ ಹಾಗೂ ಔಷಧೀಯ ವಸ್ತು ಕರ್ಪೂರ. ಎರಡು ರೂಪಾಯಿಗೆ ಸಿಗುವ ಈ ಕರ್ಪೂರದಲ್ಲಿ ಇಂತಹ ಹಲವು ಪ್ರಯೋಜನಗಳಿವೆ.
.
.
.
.
.
.
.
.
.
.ಕರ್ಪೂರ ಒಂದು ವಿಶೇಷವಾದ ರಾಸಾಯನಿಕ. ಪೂಜೆ, ಔಷಧ ಮತ್ತು ಸುಗಂಧದ ಎಲ್ಲಾ ಮೂರು ಉದ್ದೇಶಗಳನ್ನು ಪೂರೈಸಲು ಇದನ್ನು ಬಳಸಲಾಗುತ್ತದೆ. ನಕಾರಾತ್ಮಕ ಶಕ್ತಿಯನ್ನು ಓಡಿಸಲು ಇದು ತುಂಬಾ ಉಪಯುಕ್ತ ವಿಷಯವೆಂದು ಪರಿಗಣಿಸಲಾಗಿದೆ. ಕರ್ಪೂರದ ಪರಿಮಳ ಮನಸ್ಸನ್ನು ಏಕಾಗ್ರಗೊಳಿಸುತ್ತದೆ. ಇದರ ಬೆಂಕಿ ಕಫ ಮತ್ತು ವಾತವನ್ನು ನಾಶಪಡಿಸುತ್ತದೆ.
.
.
.
ಕರ್ಪೂರದ ಎಣ್ಣೆಯು ಚರ್ಮದ ರಕ್ತ ಪರಿಚಲನೆಯನ್ನು ಸರಿಯಾಗಿಡುತ್ತದೆ. ಉರಿಯೂತ, ಮೊಡವೆ ಮತ್ತು ಎಣ್ಣೆಯುಕ್ತ ಚರ್ಮದ ಚಿಕಿತ್ಸೆಯಲ್ಲಿ ಇದನ್ನು ಬಳಸಲಾಗುತ್ತದೆ. ಸಂಧಿವಾತ ನೋವಿನಿಂದ ಪರಿಹಾರ ಪಡೆಯಲು ಕರ್ಪೂರ ಮಿಶ್ರಿತ ಮುಲಾಮುವನ್ನು ಬಳಸಲಾಗುತ್ತದೆ. ಕುತ್ತಿಗೆ ನೋವಿನ ಮೇಲೆ ಕರ್ಪೂರ ಇರುವ ಮುಲಾಮು ಹಚ್ಚುವುದರಿಂದ ಪರಿಹಾರ ಸಿಗುತ್ತದೆ. ಕಫದಿಂದಾಗಿ ಎದೆಯ ಬಿಗಿತಕ್ಕೆ ಕರ್ಪೂರದ ಎಣ್ಣೆಯನ್ನು ಉಜ್ಜಿದರೆ ಪರಿಹಾರ ದೊರೆಯುತ್ತದೆ.
ಬೇಸಿಗೆಯಲ್ಲಿ ಯಾರಿಗಾದರೂ ತಲೆನೋವಿನ ಸಮಸ್ಯೆ ಇದ್ದರೆ, ಶುಂಠಿ, ಅರ್ಜುನ ತೊಗಟೆ ಮತ್ತು ಬಿಳಿ ಚಂದನದ ಪೇಸ್ಟ್ ಅನ್ನು ಕರ್ಪೂರದೊಂದಿಗೆ ಬೆರೆಸಿ ಹಚ್ಚುವುದರಿಂದ ತಲೆನೋವು ನಿವಾರಣೆಯಾಗುತ್ತದೆ. ನೆಗಡಿ ಮತ್ತು ಜ್ವರದ ಸಂದರ್ಭದಲ್ಲಿ ಬಿಸಿನೀರಿನಲ್ಲಿ ಕರ್ಪೂರವನ್ನು ಸೇರಿಸಿ ಹಬೆ ತೆಗೆದುಕೊಂಡರೆ ತತ್‌ಕ್ಷಣ ಶಮನವಾಗುತ್ತದೆ. ಕೆಮ್ಮಿನ ಸಂದರ್ಭದಲ್ಲಿ ಕರ್ಪೂರವನ್ನು ಸಾಸಿವೆ ಅಥವಾ ಎಳ್ಳೆಣ್ಣೆಯೊಂದಿಗೆ ಬೆರೆಸಿ ಬೆನ್ನು ಮತ್ತು ಎದೆಯನ್ನು ಹಗುರವಾದ ಕೈಗಳಿಂದ ಮಸಾಜ್ ಮಾಡುವುದರಿಂದ ಪರಿಹಾರ ಸಿಗುತ್ತದೆ.
ಕೂದಲಿಗೆ ಕರ್ಪೂರ ಕೂಡ ಪ್ರಯೋಜನಕಾರಿ. ಹೆಚ್ಚುತ್ತಿರುವ ಮಾಲಿನ್ಯ ಮತ್ತು ಕೆಟ್ಟ ನೀರಿನ ಬಳಕೆಯಿಂದಾಗಿ ಜನರಲ್ಲಿ ಕೂದಲು ಉದುರುವ ಸಮಸ್ಯೆ ಹೆಚ್ಚುತ್ತಿದೆ. ಇದಲ್ಲದೇ ತಲೆಹೊಟ್ಟು ಸಮಸ್ಯೆಯಿಂದ ಕಂಗೆಟ್ಟವರು ಕೊಬ್ಬರಿ ಎಣ್ಣೆಯಲ್ಲಿ ಕರ್ಪೂರವನ್ನು ಬೆರೆಸಿ ಲೇಪಿಸಿದರೆ ತುಂಬಾ ಲಾಭವಾಗುತ್ತದೆ.
ಸ್ವಲ್ಪ ಕರ್ಪೂರವನ್ನು ತೆಗೆದುಕೊಂಡು ಅದನ್ನು ಪುಡಿಮಾಡಿ. ಅದರಲ್ಲಿ ಎರಡು ಚಮಚ ಲ್ಯಾವೆಂಡರ್ ಎಣ್ಣೆಯನ್ನು ಬೆರೆಸಿ ಸ್ಪ್ರೇ ಬಾಟಲಿಗೆ ಹಾಕಿ ಮನೆಯಲ್ಲಿ ಉದುರಿಸಿದರೆ ಮನೆ ಪರಿಮಳದಿಂದ ಕೂಡಿರುತ್ತದೆ. ಇದು ರೂಮ್ ಫ್ರೆಶ್ನರ್ ಆಗಿ ಕಾರ್ಯನಿರ್ವಹಿಸುತ್ತದೆ.
ಚರ್ಮದ ತುರಿಕೆ ಮತ್ತು ಸುಡುವಿಕೆಗೆ, ಒಂದು ಚಮಚ ಕೊಬ್ಬರಿ ಎಣ್ಣೆಯಲ್ಲಿ ಒಂದು ಚಮಚ ಕರ್ಪೂರವನ್ನು ಬೆರೆಸಿ ಲೇಪಿಸಿ. ಚಳಿಗಾಲದಲ್ಲಿ ಬಿರುಕು ಬಿಟ್ಟ ಹಿಮ್ಮಡಿಗಳಿಗೆ ಕರ್ಪೂರ ಅತ್ಯುತ್ತಮ ಪರಿಹಾರವೆಂದು ಪರಿಗಣಿಸಲಾಗಿದೆ.
(ಇಲ್ಲಿ ನೀಡಿರುವ ಸಲಹೆಗಳನ್ನು ತಜ್ಞರ ಅಭಿಪ್ರಾಯದಂತೆ ಪ್ರಕಟಿಸಲಾಗಿದೆ. ಅದಾಗ್ಯೂ ಉಪಯೋಗಿಸುವ ಮೊದಲು ನಿಮ್ಮ ಮನೆವೈದ್ಯರ ಅಭಿಪ್ರಾಯ ಪಡೆದುಕೊಳ್ಳಿ.)
