ಸಮಗ್ರ ನ್ಯೂಸ್: 2ನೇ ಆವೃತ್ತಿ ವುಮೆನ್ಸ್ ಪ್ರೀಮಿಯರ್ ಲೀಗ್‍ನಲ್ಲಿ ಆರ್‍ಸಿಬಿ ಮಹಿಳಾ ತಂಡ ಫೈನಲ್‍ಗೆ ಲಗ್ಗೆ ಇಟ್ಟಿದ್ದು, ಪುರುಷರಿಗೆ ಸಿಗದಿರುವ ಟ್ರೋಫಿಯನ್ನು ತಾವು ಗೆಲ್ಲುತ್ತೇವೆ ಎಂಬ ಹುಮ್ಮಸ್ಸಿನಲ್ಲಿದೆ. ಇದರೊಂದಿಗೆ ಮಹಿಳಾ ಐಪಿಎಲ್‍ನಲ್ಲಾದರೂ ಆರ್‍ಸಿಬಿಯ ಟ್ರೋಫಿ ಗೆಲ್ಲುವ ಅಭಿಮಾನಿಗಳ ಕನಸು ಸಾಕಾರಗೊಳ್ಳುವ ನಿರೀಕ್ಷೆ ಮತ್ತಷ್ಟು ಹೆಚ್ಚಾಗಿದೆ.
.
.
.
.
.
.
.
.
.
.ಹಾಲಿ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ವಿರುದ್ಧ ನಡೆದ ಎಲಿಮಿನೇಟರ್ ಪಂದ್ಯದಲ್ಲಿ ಆರ್‍ಸಿಬಿಗೆ 5 ರನ್ ರೋಚಕ ಗೆಲುವು ಲಭಿಸಿತು. ಇದರೊಂದಿಗೆ ಮಹಿಳಾ ಐಪಿಎಲ್ ಖ್ಯಾತಿಯ ಟೂರ್ನಿಯಲ್ಲಿ ಆರ್‍ಸಿಬಿ ಚೊಚ್ಚಲ ಬಾರಿ ಫೈನಲ್‍ಗೇರಿತು. ಈ ಮೂಲಕ ಸತತ 2ನೇ ಫೈನಲ್ ರೀಕ್ಷೆಯಲ್ಲಿದ್ದ ಹರ್ಮನ್‍ಪ್ರೀತ್ ಕೌರ್ ನಾಯಕತ್ವದ ಮುಂಬೈ ಕನಸು ಭಗ್ನಗೊಂಡಿತು. ಅಂಕಪಟ್ಟಿಯಲ್ಲಿ 2 ಮತ್ತು 3ನೇ ಸ್ಥಾನಿಯಾಗಿದ್ದ ತಂಡಗಳ ನಡುವಿನ ಕಾದಾಟ ರೋಚಕವಾಗಿಯೇ ಮುಕ್ತಾಯಗೊಂಡಿತು.
.
.
.
ಮೊದಲು ಬ್ಯಾಟ್ ಮಾಡಿದ ಆರ್‍ಸಿಬಿ ತಾರಾ ಬ್ಯಾಟರ್‍ಗಳ ವೈಫಲ್ಯದ ಹೊರತಾಗಿಯೂ ಎಲೈಸಿ ಪೆರ್ರಿಯ ಹೋರಾಟದ ಅರ್ಧಶತಕದದಿಂದಾಗಿ 20 ಓವರಲ್ಲಿ 135 ರನ್ ಕಲೆಹಾಕಿತು. ಗುರಿ ಸಣ್ಣದಾಗಿದ್ದರೂ ಮುಂಬೈಗೆ ಗೆಲುವು ಸಿಗಲಿಲ್ಲ. 10.4 ಓವರಲ್ಲಿ 68ಕ್ಕೆ 3 ವಿಕೆಟ್ ಕಳೆದುಕೊಂಡ ತಂಡ ಸೋಲಿನತ್ತ ಮುಖ ಮಾಡಿತ್ತು. ಆ ಹಂತದಲ್ಲಿ ಹರ್ಮನ್‍ಪ್ರೀತ್ ಕೌರ್(33) ಹಾಗೂ ಅಮೇಲಿಯಾ ಕೇರ್(ಔಟಾಗದೆ 27) ತಂಡಕ್ಕೆ ಗೆಲುವಿನ ನಿರೀಕ್ಷೆ ಮೂಡಿಸಿದರೂ ರೋಚಕ ಪೈಪೆÇೀಟಿಯಲ್ಲಿ ಆರ್‍ಸಿಬಿಗೆ ವಿಜಯಲಕ್ಷ್ಮಿ ಒಲಿಯಿತು. ಕೊನೆ 3 ಓವರಲ್ಲಿ 20 ರನ್ ಬೇಕಿದ್ದಾಗ ಮೊನಚು ದಾಳಿ ಸಂಘಟಿಸಿದ ಆರ್‍ಸಿಬಿ ಜಯಭೇರಿ ಬಾರಿಸಿತು. ನಿರ್ಣಾಯಕ ಘಟ್ಟದಲ್ಲಿ ಹರ್ಮನ್‍ಪ್ರೀತ್‍ರನ್ನು ಪೆವಿಲಿಯನ್‍ಗೆ ಅಟ್ಟಿದ ಶ್ರೇಯಾಂಕ ಆರ್‍ಸಿಬಿ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಅವರು 4 ಓವರಲ್ಲಿ 16 ರನ್ ನೀಡಿ 2 ವಿಕೆಟ್ ಕಿತ್ತರು.
ಮುಂಬೈಗೆ ದೊಡ್ಡ ಗುರಿ ನೀಡುವ ನಿರೀಕ್ಷೆಯೊಂದಿಗೆ ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡ ಸ್ಮೃತಿ ಮಂಧನಾರ ಯೋಜನೆ ಆರಂಭದಲ್ಲೇ ತಲೆ ಕೆಳಗಾಯಿತು. ಆದರೆ ಕ್ರೀಸ್‍ನಲ್ಲಿ ಭದ್ರವಾಗಿ ನೆಲೆಯೂರಿದ ಪೆರ್ರಿ 50 ಎಸೆತಗಳಲ್ಲಿ 66 ರನ್ ಸಿಡಿಸಿದರು. 12 ಓವರಲ್ಲಿ 57ಕ್ಕೆ 4 ವಿಕೆಟ್ ಕಳೆದುಕೊಂಡಿದ್ದ ತಂಡ ಕೊನೆ 8 ಓವರಲ್ಲಿ 78 ರನ್ ಸೇರಿಸಿತು.
2ನೇ ಆವೃತ್ತಿ ವುಮೆನ್ಸ್ ಪ್ರೀಮಿಯರ್ ಲೀಗ್‍ನ ಫೈನಲ್ ಪಂದ್ಯ ಭಾನುವಾರ ನಡೆಯಲಿದ್ದು, ಚೊಚ್ಚಲ ಪ್ರಶಸ್ತಿಗಾಗಿ ಆರ್‍ಸಿಬಿ ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್ ಸೆಣಸಾಡಲಿವೆ. ಕಳೆದ ವರ್ಷದ ಟೂರ್ನಿಯಲ್ಲಿ ಡೆಲ್ಲಿಯನ್ನು ಮಣಿಸಿ ಮುಂಬೈ ಟ್ರೋಫಿ ಗೆದ್ದಿತ್ತು.
