ಸಮಗ್ರ ನ್ಯೂಸ್: ಅಂಗನವಾಡಿಯಲ್ಲಿ ಅಡುಗೆ ಮಾಡುವ ವೇಳೆ ಕುಕ್ಕರ್ ಸ್ಫೋಟವಾಗಿ ಇಬ್ಬರು ಮಕ್ಕಳು ಗಾಯಗೊಂಡಿರುವ ಘಟನೆ ಬಾಗಲಕೋಟೆ ಜಿಲ್ಲೆಯ ಸಾವಳಗಿ ಗ್ರಾಮದ ಸಮೀಪದ ಬ್ಯಾಡಗಿ ವಸ್ತಿಯಲ್ಲಿ ನಡೆದಿದೆ.
.
.
ಸಮರ್ಥ (2), ಅದ್ವೀಕ್ (4) ಗಾಯಗೊಂಡ ಬಾಲಕರು. ಅಂಗನವಾಡಿಯಲ್ಲಿ ಬುಧವಾರ ಕುಕ್ಕರ್ ಬ್ಲಾಸ್ಟ್ ಆಗಿದೆ. ಈ ವೇಳೆ ಗಾಬರಿಯಿಂದ ಮಕ್ಕಳು ಹೊರಕ್ಕೆ ಓಡುವಾಗ ಬಿದ್ದು ಗಾಯಗೊಂಡಿದ್ದಾರೆ. ಅವರನ್ನು ಜಮಖಂಡಿ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.
.
.
ಈ ಬಗ್ಗೆ ಜಮಖಂಡಿ ಸಿಡಿಪಿಒ ಅನುರಾಧ ಹಾದಿಮನಿ ಪ್ರತಿಕ್ರಿಯಿಸಿ, ಮಕ್ಕಳಿಬ್ಬರೂ ಆರೋಗ್ಯವಾಗಿದ್ದಾರೆ. ಕುಕ್ಕರ್ ಬ್ಲಾಸ್ಟ್‌ನಿಂದ ಅವರಿಗೆ ಗಾಯವಾಗಿಲ್ಲ. ಬ್ಲಾಸ್ಟ್ ಆದಮೇಲೆ ಗಾಬರಿಗೊಂಡು ಓಡುವಾಗ ಬಿದ್ದು ಗಾಯಗೊಂಡಿದ್ದಾರೆ. ಇದೇ ವೇಳೆ ಕುಕ್ಕರ್ ಹವೆ ತಾಗಿ ಅಡುಗೆ ಸಿಬ್ಬಂದಿಗೆ ಸಣ್ಣಪುಟ್ಟ ಗಾಯಗಳಾಗಿವೆ ಎಂದು ಮಾಹಿತಿ ನೀಡಿದ್ದಾರೆ.
