.
.
.
.
.
.
.
.
.
.ಸಮಗ್ರ ನ್ಯೂಸ್: ಪೇಸ್ ಬುಕ್ ಮಾಲೀಕತ್ವದ ಮೆಸೇಜಿಂಗ್ ಅಪ್ಲಿಕೇಶನ್ ವಾಟ್ಸ್‌ಆ್ಯಪ್‌ ಕಳೆದ ಕೆಲವು ತಿಂಗಳುಗಳಿಂದ ಬೀಟಾದಲ್ಲಿ ಅದರ ಮಲ್ಟಿ ಡಿವೈಸ್ ಕಾರ್ಯವನ್ನು ಬಳಕೆದಾರರಿಗೆ ಪ್ರಯತ್ನಿಸಲು ಪರೀಕ್ಷಿಸುತ್ತಿದೆ. ಈಗ, ಕಂಪನಿಯು ಬಹು-ಸಾಧನ ಕಾರ್ಯವನ್ನು ಬೀಟಾ ಪರೀಕ್ಷೆಯಿಂದ ಹೊರತಂದಿದೆ ಮತ್ತು ವೈಶಿಷ್ಟ್ಯದ ಸ್ಥಿರ ಆವೃತ್ತಿಯನ್ನು ಹೊರತರಲು ಪ್ರಾರಂಭಿಸಿದೆ. ಹೌದು, ಈವರೆಗೆ ಬಳಕೆದಾರರು ಬೇರೆ ಸಾಧನಗಳಲ್ಲಿ ತಮ್ಮ ವಾಟ್ಸ್‌ಆ್ಯಪ್‌ ಸಂಪರ್ಕಿಸಲು ಇಂಟರ್ನೆಟ್ ಸಂಪರ್ಕ ಇರಬೇಕಿತ್ತು. ಆದರೆ ಪ್ರಸ್ತುತ ಬೀಟಾದ ಹೊಸ ಫೀಚರ್‌ನೊಂದಿಗೆ, ನಿಮ್ಮ ಫೋನ್ ಅನ್ನು ಆನ್‌ಲೈನ್‌ನಲ್ಲಿ ಇರಿಸದೇ ನಿಮ್ಮ ವಾಟ್ಸ್‌ಆ್ಯಪ್‌ ಅನ್ನು 4 ಸಾಧನಗಳಲ್ಲಿ ಚಲಾಯಿಸಲು ಅನುವು ಮಾಡಿಕೊಡುತ್ತದೆ.
.
.
.
ಬೀಟಾದಲ್ಲಿರುವಾಗ, ಬಳಕೆದಾರರು ವೈಶಿಷ್ಟ್ಯವನ್ನು ಬಳಸಬೇಕೆ ಅಥವಾ ಬೇಡವೇ ಎಂಬುದನ್ನು ಆರಿಸಿಕೊಳ್ಳುವ ಆಯ್ಕೆಯನ್ನು ಹೊಂದಿದ್ದರು. ಆದರೆ, ಈಗ, ವಾಟ್ಸ್‌ಆ್ಯಪ್‌ ಬಹು-ಸಾಧನ ಬೆಂಬಲದ ಸ್ಥಿರ ಆವೃತ್ತಿಯನ್ನು ಹೊರತರಲು ಪ್ರಾರಂಭಿಸಿದೆ ಮತ್ತು ಇದು ಇನ್ನು ಮುಂದೆ ಆಯ್ಕೆಯ ವೈಶಿಷ್ಟ್ಯವಾಗಿರುವುದಿಲ್ಲ. ಇದು ಎಲ್ಲಾ ಬಳಕೆದಾರರಿಗೆ ಸ್ವಯಂಚಾಲಿತವಾಗಿ ಸಕ್ರಿಯಗೊಳ್ಳುತ್ತದೆ ಮತ್ತು ಅವರು ಲಾಗ್ ಇನ್ ಮಾಡಿದಾಗಲೆಲ್ಲಾ ಅವರ ಸ್ಮಾರ್ಟ್‌ಫೋನ್ ಅನ್ನು ಸಂಪರ್ಕಿಸುವ ಅಗತ್ಯವಿಲ್ಲದೆಯೇ, ಒಂದೇ ಬಾರಿಗೆ ನಾಲ್ಕು ವಿಭಿನ್ನ ಸಾಧನಗಳಲ್ಲಿ ವಾಟ್ಸ್‌ಆ್ಯಪ್‌ ಅನ್ನು ಬಳಸಲು ನಿಮಗೆ ಅನುಮತಿಸುತ್ತದೆ.
ಬೀಟಾ ರೋಲ್‌ಔಟ್‌ನಿಂದ, ವೆಬ್ ಬ್ರೌಸರ್ ಮೂಲಕ ನೇರವಾಗಿ ವೈಶಿಷ್ಟ್ಯವನ್ನು ಪ್ರವೇಶಿಸುವ ಬಳಕೆದಾರರ ಸಂಖ್ಯೆ ಹೆಚ್ಚಾಗಿದೆ ಎಂದು ಕಂಪನಿ ಹೇಳಿದೆ. ತಮ್ಮ ಲ್ಯಾಪ್‌ಟಾಪ್‌ಗಳಲ್ಲಿ ಕೆಲಸ ಮಾಡುವ ಮತ್ತು ವಾಟ್ಸ್‌ಆ್ಯಪ್‌ನಲ್ಲಿ ಯಾವುದೇ ರೀತಿಯ ಸಂವಹನವನ್ನು ಹೊಂದಿರುವ ಬಳಕೆದಾರರಿಗೆ ಈ ವೈಶಿಷ್ಟ್ಯವು ಹೆಚ್ಚು ಅನುಕೂಲಕರವಾಗಲಿದೆ. ನಿಮ್ಮ ಫೋನ್ ಸಂಪರ್ಕದಲ್ಲಿರುವುದರ ಬಗ್ಗೆ ಚಿಂತಿಸದೆಯೇ ನೇರವಾಗಿ ನಿಮ್ಮ ಕಂಪ್ಯೂಟರ್‌ನಲ್ಲಿ ವಾಟ್ಸ್‌ಆ್ಯಪ್‌ ಸಂದೇಶಗಳನ್ನು ನೇರವಾಗಿ ಕಳುಹಿಸಲು ಮತ್ತು ಸ್ವೀಕರಿಸಲು ಇದು ಸರಳಗೊಳಿಸುತ್ತದೆ.
ಬೀಟಾದಿಂದ ಹೊರಬರುವ ವೈಶಿಷ್ಟ್ಯದ ಕುರಿತು ಮೆಟಾ-ಮಾಲೀಕತ್ವದ ವಾಟ್ಸ್‌ಆ್ಯಪ್‌ನಿಂದ ಯಾವುದೇ ಪ್ರಕಟಣೆಯಿಲ್ಲವಾದರೂ ಸಹ, ಬಹು-ಸಾಧನದ ಕಾರ್ಯವು ಬೀಟಾ ಪರೀಕ್ಷೆಯಿಂದ ಹೊರಗಿದೆ ಎಂದು ಕೇಳಿ ಬರುತ್ತಿದೆ.
ಮಲ್ಟಿ-ಡಿವೈಸ್ ಹೇಗೆ ಕಾರ್ಯ ನಿರ್ವಹಿಸುತ್ತದೆ?
ಮಲ್ಟಿ-ಡಿವೈಸ್ ಬೆಂಬಲವು ಬಳಕೆದಾರರು ತಮ್ಮ ಫೋನ್‌ನಲ್ಲಿ ವಾಟ್ಸ್‌ಆ್ಯಪ್‌ ಅನ್ನು ಬಳಸಲು ಮತ್ತು ಸ್ಮಾರ್ಟ್‌ಫೋನ್ ಅಲ್ಲದ ಇತರ ನಾಲ್ಕು ಸಾಧನಗಳನ್ನು ಬಳಸಲು ಅನುಮತಿಸುತ್ತದೆ. ಇದರರ್ಥ ಒಂದೇ ವಾಟ್ಸ್‌ಆ್ಯಪ್‌ ಖಾತೆಯನ್ನು ಎರಡು ವಿಭಿನ್ನ ಸ್ಮಾರ್ಟ್‌ಫೋನ್‌ಗಳಲ್ಲಿ ಬಳಸಲಾಗುವುದಿಲ್ಲ. ಆದರೆ ಬಳಕೆದಾರರು ಒಂದೇ ಬಾರಿಗೆ ವಾಟ್ಸ್‌ಆ್ಯಪ್‌ ವೆಬ್‌ನೊಂದಿಗೆ ನಾಲ್ಕು PC ಗಳು ಅಥವಾ ಟ್ಯಾಬ್ಲೆಟ್‌ಗಳ ಮೂಲಕ ಸಂಪರ್ಕಿಸಬಹುದು. ಈ ಹಿಂದೆ, ಬಳಕೆದಾರರು ವಾಟ್ಸ್‌ಆ್ಯಪ್‌ ಅನ್ನು ಬಳಸುವುದನ್ನು ಮುಂದುವರಿಸಲು ತಮ್ಮ ಫೋನ್ ಅನ್ನು ಇಂಟರ್ನೆಟ್‌ಗೆ ಸಂಪರ್ಕಪಡಿಸಬೇಕಾಗಿತ್ತು. ಆದರೆ ಇನ್ನು ಮುಂದೆ ಅದರ ಅವಶ್ಯಕತೆ ಇಲ್ಲ, ಮತ್ತು ಬಳಕೆದಾರರು ತಮ್ಮ ಫೋನ್ ಅನ್ನು ಇಂಟರ್ನೆಟ್‌ಗೆ ಕನೆಕ್ಟ್ ಮಾಡದೆಯೇ ವಾಟ್ಸ್‌ಆ್ಯಪ್‌ ವೆಬ್ ಅನ್ನು ಮುಕ್ತವಾಗಿ ಬಳಸಬಹುದು.
4 ಡಿವೈಸ್‌ಗಳಿಗೆ ವಾಟ್ಸ್‌ಆ್ಯಪ್‌ ಅನ್ನು ಹೇಗೆ ಸಂಪರ್ಕಿಸುವುದು?
• ಈ ವೈಶಿಷ್ಟ್ಯವನ್ನು ಬಳಸಲು, ನೀವು ವಾಟ್ಸಾಪ್ ವೆಬ್ ಬ್ರೌಸರ್‌ನಿಂದಗೆ ಹೋಗಬೇಕಾಗುತ್ತದೆ. ಅಲ್ಲಿ ನಿಮಗೆ ಪರದೆಯ ಮೇಲೆ QR ಕೋಡ್ ಕಾಣಿಸುತ್ತದೆ.
• ನಂತರ, ನೀವು ನಿಮ್ಮ ಫೋನ್‌ನಲ್ಲಿ ವಾಟ್ಸ್‌ಆ್ಯಪ್‌ ಅನ್ನು ತೆರೆಯಬೇಕು ಮತ್ತು ಪರದೆಯ ಮೇಲಿನ ಬಲ ಮೂಲೆಯಲ್ಲಿರುವ ಮೂರು-ಡಾಟ್ ಮೆನುವನ್ನು ಕ್ಲಿಕ್ ಮಾಡಬೇಕಾಗುತ್ತದೆ.
• ನಂತರ ಇಲ್ಲಿ ನೀವು “ಲಿಂಕ್ ಎ ಡಿವೈಸ್” ಆಯ್ಕೆಯನ್ನು ಕ್ಲಿಕ್ ಮಾಡಿ.
• ಈಗ, ಲಿಂಕ್ ಡಿವೈಸ್ ಮೇಲೆ ಟ್ಯಾಪ್ ಮಾಡಿದರೆ ನಿಮಗೆ ನಿಮ್ಮ ಪರದೆಯ ಮೇಲೆ QR ಕೋಡ್ ಅನ್ನು ಸ್ಕ್ಯಾನ್ ಮಾಡುವ ಪ್ರಕ್ರಿಯೆಯನ್ನು ತೋರಿಸುತ್ತದೆ. ಅಲ್ಲಿ ನೀವು ಸರಿಯಾಗಿ ಸ್ಕ್ಯಾನ್ ಮಾಡಿದರೆ ಮುಗಿಯಿತು ನಿಮ್ಮ ವಾಟ್ಸ್‌ಆ್ಯಪ್‌ ಬೇರೆ ಸಾಧನಗಳಿಗೆ ಸಂಪರ್ಕ ಪಡೆಯುತ್ತದೆ.
ಈ ಹೊಸ ವೈಶಿಷ್ಟ್ಯತೆಯಿಂದ ನೀವು ನಿಮ್ಮ ಫೋನ್ ಅನ್ನು ಮರೆತುಬಿಡಬಹುದು ಮತ್ತು ಇತರ ಸಾಧನಗಳಲ್ಲಿ ವಾಟ್ಸ್‌ಆ್ಯಪ್‌ ಅನ್ನು ಉಚಿತವಾಗಿ ಬಳಸಬಹುದು.
