ರಾಜ್ಯದಲ್ಲಿ ಕೊರೊನಾ ಪ್ರಕರಣಗಳು ದಿನೇದಿನೇ ಹೆಚ್ಚಾಗುತ್ತಿರುವ ಹಿನ್ನೆಲೆಯಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರು ಮಂಗಳವಾರ ರಾಜ್ಯದ ವಿವಿಧ ಜಿಲ್ಲೆಗಳ ಜಿಲ್ಲಾಧಿಕಾರಿಗಳ ಜೊತೆಗೆ ವಿಡಿಯೋ ಕಾನ್ಫರೆನ್ಸ್ ನಡೆಸಿದರು.
.
.
.
.
.
.
.
.
.
.ಈ ವೇಳೆ ಸಂವಾದ ನಡೆಸಿದ ಅವರು ‘ಡಿಸಿಗಳು ಕೊರೊನ ನಿಯಂತ್ರಣ ಕ್ರಮಗಳನ್ನು ಕಟ್ಟುನಿಟ್ಟಾಗಿ ಜಾರಿ ಮಾಡಿದರೆ ರೋಗದಿಂದ ಬೇಗ ಮುಕ್ತರಾಗಬಹುದು’ ಎಂದಿದ್ದಾರೆ. ಈ ಮೂಲಕ ಆಡಳಿತದ ಪೂರ್ಣ ಅಧಿಕಾರವನ್ನು ಆಯಾ ಜಿಲ್ಲಾಧಿಕಾರಿಗಳೇ ವಹಿಸಿಕೊಳ್ಳಬೇಕು ಎಂಬುದನ್ನು ಪರೋಕ್ಷವಾಗಿ ಸೂಚಿಸಿದಂತಿತ್ತು. ಕೊರೊನ ನಿಯಂತ್ರಣದಲ್ಲಿ ಜಿಲ್ಲಾಧಿಕಾರಿಗಳ ಪಾತ್ರವೇ ಬಹುಮುಖ್ಯ ಎಂದು ಅವರು ನುಡಿದರು. ಹಾಗಾದರೆ ಶಾಸಕಾಂಗದ ಕಾರ್ಯ ಏನೂ ಇಲ್ಲವೇ? ಎಂಬುದು ಈಗಿನ ಚರ್ಚಾ ವಿಷಯ.
.
.
.
ಪ್ರಧಾನಿಗಳು ಹೇಳಿದಂತೆ ಜಿಲ್ಲಾ ಹೊಣೆಗಾರಿಕೆ ಆಯಾ ಜಿಲ್ಲಾಧಿಕಾರಿಗಳದ್ದೇ. ಹಾಗಿದ್ದರೂ ಪ್ರತೀ ಜಿಲ್ಲೆಗಳಲ್ಲಿ, ಸಂಸದರು, ಶಾಸಕರು, ಸ್ಥಳೀಯಾಡಳಿದ ಪ್ರತಿನಿಧಿಗಳು, ಕೆಲವೆಡೆ ರಾಜ್ಯ,ಕೇಂದ್ರ ಸಚಿವರೂ ಇದ್ದಾರೆ. ಇಂದು ನಡೆದ ಕಾನ್ಫರೆನ್ಸ್ ಸಭೆಯಲ್ಲಿ ಈ ಎಲ್ಲಾ ಜನಪ್ರತಿನಿಧಿಗಳೂ ಭಾಗವಹಿಸಿದ್ದರು. ಅವರಾರಿಗೂ ಹೊಣೆಗಾರಿಕೆ, ಜವಾಬ್ದಾರಿ ವಹಿಸದೇ ನೇರವಾಗಿ ಜಿಲ್ಲಾಧಿಕಾರಿಗಳ ಮೇಲೆ ಕೊರೊನ ನಿರ್ವಹಣೆ ಮಾಡಲು ಜವಾಬ್ದಾರಿ ನೀಡಿರುವುದು ಪ್ರಧಾನಿಗಳು ಬ್ಯುರೋಕ್ರೆಸಿ ಕೈಗೆ ಕೊಟ್ಟಂತೆ ಕಂಡುಬಂದಿದೆ.
ಈ ಮಂತ್ರಿ ಮಹೋದಯರನ್ನು ನಂಬಿ ಏನೂ ಆಗದು, ಏನಿದ್ದರೂ ಫೀಲ್ಡ್ ಕಮಾಂಡರ್ ಗಳು ನೀವೇ.
ನಿಮಗೇನಾದರೂ ಸಮಸ್ಯೆ ಆದಲ್ಲಿ, ಅಥವಾ ಇನ್ನೇನಾದರೂ ಅವಶ್ಯಕತೆ ಬೇಕಿದ್ದಲ್ಲಿ ನನ್ನನ್ನೇ ಕೇಳಿ ಎಂಬಂತಿತ್ತು ಪ್ರಧಾನಿಯವರ ಮಾತು.
ಒಂದೆಡೆ ಮಾತನಾಡಿದ ಪ್ರಧಾನಿಗಳು ‘ ನಿಮಗೆ ನಿಯಮಗಳಲ್ಲಿ ಬದಲಾವಣೆ ಅಥವಾ ಅವಶ್ಯಕತೆ ಕಂಡುಬಂದಲ್ಲಿ ಯಾವುದೇ ಅಂಜಿಕೆ ಇಲ್ಲದೆ ನನಗೆ ತಿಳಿಸಿ’ ಎಂದಿದ್ದಾರೆ. ಈ ಮಾತಿನಿಂದ ಜಿಲ್ಲಾಧಿಕಾರಿಗಳಿಗೆ ಹೊಸ ಸಂಚಲನ ಮೂಡಿದಂತಾದರೂ ನಾವು ಆಯ್ಕೆಮಾಡಿದ ಜನಪ್ರತಿನಿಧಿಗಳು ಕೈಲಾಗದವರು ಎಂಬ ಅಭಿಪ್ರಾಯ ದೇಶವಾಸಿಗಳಲ್ಲಿ ಮೂಡಿರುವುದು ಸ್ಪಷ್ಟ.
