ಸಮಗ್ರ ನ್ಯೂಸ್: ವಿಶ್ವಕಪ್ ಟೂರ್ನಿಯ ಪಾಕಿಸ್ತಾನ ವಿರುದ್ಧ ಇಂದು ನಡೆದ ಪಂದ್ಯದಲ್ಲಿ ಕರ್ನಾಟಕ ಮೂಲದ ನ್ಯೂಜಿಲೆಂಡ್ ತಂಡದ ಎಡಗೈ ಬ್ಯಾಟ್ಸ್‍ಮನ್ ರಚಿನ್ ರವೀಂದ್ರ ಅಮೋಘ ಶತಕ ಗಳಿಸುವ ಮೂಲಕ ಕ್ರಿಕೆಟ್ ದಂತಕಥೆ ಸಚಿನ್ ತೆಂಡೂಲ್ಕರ್ ಅವರ ದಾಖಲೆಯೊಂದನ್ನು ಮುರಿದಿದ್ದಾರೆ.
.
.
.
.
.
.
.
.
.
.25 ವರ್ಷಕ್ಕೂ ಮುನ್ನ ಭಾರತದ ಕ್ರಿಕೆಟ್ ದೇವರು ತೆಂಡೂಲ್ಕರ್ ಏಕದಿನ ವಿಶ್ವಕಪ್‍ನಲ್ಲಿ 2 ಶತಕಗಳನ್ನು ಬಾರಿಸಿದ್ದರು. ಇದೀಗ ರಚಿನ್ ರವೀಂದ್ರ ತನ್ನ ಮೊದಲ ಏಕದಿನ ವಿಶ್ವಕಪ್‍ನಲ್ಲಿ ಮೂರನೇ ಶತಕವನ್ನು ಬಾರಿಸುವ ಮೂಲಕ ಸಚಿನ್ ದಾಖಲೆಯನ್ನು ಮುರಿದಿದ್ದಾರೆ. ರಚಿನ್ ರವೀಂದ್ರ ಅವರಿಗೆ ಇದೀಗ 23 ವರ್ಷ ವಯಸ್ಸು.
.
.
.
94 ಎಸೆತಗಳನ್ನು ಎದುರಿಸಿದ ರಚಿನ್ 15 ಬೌಂಡರಿ ಮತ್ತು 1 ಸಿಕ್ಸ್‍ನ ಮೂಲಕ 108 ರನ್ನುಗಳನ್ನು ಬಾರಿಸಿದ್ದು, ಈ ಶತಕದ ನೆರವಿನಿಂದ ನ್ಯೂಜಿಲೆಂಡ್ 401 ರನ್ನುಗಳನ್ನು ಗಳಿಸಿ ಪಾಕಿಸ್ತಾನಕ್ಕೆ 402 ರನ್ನುಗಳ ಗುರಿಯನ್ನು ನೀಡಿದೆ.
ಕರ್ನಾಟಕ ಮೂಲದ ರಚಿನ್ ರವೀಂದ್ರ ಕುಟುಂಬ ಈಗ ನ್ಯೂಜಿಲೆಂಡ್‍ನಲ್ಲಿ ನೆಲೆಸಿದ್ದು, ಇಂದು ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಶತಕವನ್ನು ಗಳಿಸಿದ್ದು ಸ್ಮರಣೀಯ ಕ್ಷಣವಾಗಿದೆ.
