ಸಮಗ್ರ ನ್ಯೂಸ್: ಭಾರತೀಯರ ಮೇಲೆ ಒಂದಲ್ಲ ಒಂದು ರೀತಿಯಲ್ಲಿ ಪಾಶ್ಚಿಮಾತ್ಯ ಸಂಸ್ಕೃತಿ ಹೇಗೆ ಪ್ರಭಾವ ಬೀರುತ್ತಿದಿಯೋ, ಅದೇ ರೀತಿ ಭಾರತೀಯ ಸಂಪ್ರದಾಯ, ಪದ್ದತಿಗಳು ವಿದೇಶಿಗರ ಮೇಲೆ ಪ್ರಭಾವ ಬೀರುತ್ತಿದೆ. ಇದಕ್ಕೆ ಉದಾಹರಣೆ ಎಂದರೆ ರಷ್ಯಾದ 3 ಜೋಡಿಗಳು ತಮ್ಮ ದೇಶದಿಂದ ಬಂದು ಇಲ್ಲಿ, ಹಿಂದೂ ಸಂಪ್ರದಾಯದಂತೆ ವಿವಾಹವಾಗಿದ್ದಾರೆ.
.
.
ಹರಿದ್ವಾರದ ಆಶ್ರಮದಲ್ಲಿ ನಡೆದ ವಿವಾಹ, ಎಲ್ಲಾ ಸಂಪ್ರದಾಯಗಳನ್ನು ಅನುಸರಿಸಲಾಯಿತು. ಕೆಂಪು ಶೆರ್ವಾನಿ ಮತ್ತು ಪೇಟವನ್ನು ಧರಿಸಿದ ಮೂವರು ವರಗಳನ್ನು ಮೆರವಣಿಗೆ ಮೂಲಕ ಮಂಟಪಕ್ಕೆ ಕರೆತರಲಾಯಿತು. ವಧು-ವರರು ಮದುವೆ ಮೆರವಣಿಗೆಯೊಂದಿಗೆ ದೇವರ ಗುಡಿಗೆ ತೆರಳಿ ಆಶೀರ್ವಾದ ಪಡೆದು, ವೇದಿಕೆ ಏರಿ ಪರಸ್ಪರ ಹಾರ ಹಾಕಿದರು. ಇಷ್ಟೇ ಅಲ್ಲ, ಅಗ್ನಿಸಾಕ್ಷಿಯಾಗಿ ವೇದ ಮಂತ್ರಗಳೊಂದಿಗೆ ಏಳು ಸುತ್ತು ಹಾಕಿದ ರಷ್ಯಾದ ಜೋಡಿಗಳು ತಮ್ಮ ಜೀವನದುದ್ದಕ್ಕೂ ಪರಸ್ಪರ ಜೊತೆ ಇರುವುದಾಗಿ ಪ್ರಮಾಣ ಮಾಡಿದರು.
.
.
ಕುಟುಂಬದ ಅನುಪಸ್ಥಿತಿಯಲ್ಲಿ ಈ ವಿವಾವ ಭಾರತದ ಸಂಪ್ರದಾಯದಂತೆ ನೆರವೇರಿತು. ಪಾಶ್ಚಿಮಾತ್ಯ ಪದ್ಧತಿಯಿಂದ ಬೇಸರಗೊಂಡು ಭಾರತೀಯ ಸಂಸ್ಕೃತಿ, ಇಲ್ಲಿನ ಅವಿಭಕ್ತ ಕುಟುಂಬ ವ್ಯವಸ್ಥೆಯಿಂದ ಪ್ರಭಾವಿತರಾಗಿ ಅದನ್ನು ತಮ್ಮಲ್ಲಿ ಅಳವಡಿಸಿಕೊಳ್ಳುತ್ತಿದ್ದಾರೆ.
