ಸಮಗ್ರ ನ್ಯೂಸ್: ಕಳೆದ ಲೋಕಸಭಾ ಚುನಾವಣೆ ಸಂದರ್ಭದಲ್ಲಿ ಅದೇ ಮೊದಲ ಸಲ ಚುನಾವಣೆಗೆ ಸ್ಪರ್ಧಿಸಿದ್ದ ನಟಿ ಸುಮಲತಾ ಅಂಬರೀಷ್ ಅವರನ್ನು ಸೋಲಿಸಲಿಕ್ಕೆ ‘ಸುಮಲತಾ’ ಎಂಬ ಹೆಸರಿನ ಏಳು ಮಂದಿಯನ್ನು ಜೆಡಿಎಸ್ ಕಣಕ್ಕೆ ಇಳಿಸಿತ್ತು. ಹೀಗೆ ಅಂದಿನ ‘ಸಪ್ತ ಸುಮಲತಾ’ರ ಜೆಡಿಎಸ್ ಈಗ ‘ಕುಮಾರತ್ರಯ’ರ ಪಕ್ಷ ಎಂದು ಹೇಳಲು ಅಡ್ಡಿ ಇಲ್ಲ.
.
.
‘ಜೆಡಿಎಸ್ಗೊಬ್ಬರೇ ಕುಮಾರಣ್ಣ’ ಎಂದು ಅಭಿಮಾನಿಗಳು ಹೆಮ್ಮೆಯಿಂದ ಹೇಳಬಹುದು. ಆದಾಗ್ಯೂ ಜೆಡಿಎಸ್ನಲ್ಲಿ ಈಗ ಮೂವರು ಕುಮಾರಸ್ವಾಮಿಗಳಿದ್ದಾರೆ. ಮಾಜಿ ಮುಖ್ಯಮಂತ್ರಿ ಎಚ್.ಡಿ.ಕುಮಾರಸ್ವಾಮಿ, ಸಕಲೇಶಪುರ ಕ್ಷೇತ್ರದ ಎಚ್.ಕೆ. ಕುಮಾರಸ್ವಾಮಿ, ಮೂಡಿಗೆರೆ ಕ್ಷೇತ್ರದ ಶಾಸಕ ಎಂ.ಪಿ.ಕುಮಾರಸ್ವಾಮಿ… ಇವರೇ ಆ ಮೂವರು ಕುಮಾರಸ್ವಾಮಿಗಳು.
.
.
ಜೆಡಿಎಸ್ನ ಈ ಕುಮಾರತ್ರಯರ ಬಗ್ಗೆ ಮಾತನಾಡುವಾಗ ‘ಕುಮಾರಸ್ವಾಮಿ’ ಎಂಬುದರ ಜತೆಗೆ ಅವರ ಇನಿಷಿಯಲ್ ಇಲ್ಲವೇ ಪದನಾಮ ಬಳಸಿ ಉಲ್ಲೇಖಿಸದೇ ಹೋದರೆ ಅದು ಯಾವ ಕುಮಾರಸ್ವಾಮಿಯ ವಿಚಾರವೇ ಆಗಿದ್ದರೂ ಮಾಜಿ ಮುಖ್ಯಮಂತ್ರಿ ಎಚ್.ಡಿ. ಕುಮಾರಸ್ವಾಮಿಯೇ ಎಂದು ಅಪಾರ್ಥಕ್ಕೆ ಈಡಾಗುವ ಸಾಧ್ಯತೆ ಇದೆ. ಏನೇ ಇರಲಿ.. ಒಂದೇ ಪಕ್ಷದಲ್ಲಿ ಹೀಗೆ ಒಂದೇ ಹೆಸರಿನ ಮೂವರು ಇರುವುದು ವಿಶೇಷ ಹಾಗೂ ಅತ್ಯಪರೂಪವೇ ಸರಿ.
