ಸಮಗ್ರ ಡಿಜಿಟಲ್ ಡೆಸ್ಕ್: ಹೆಣ್ಣು ಮಗುವಿಗೆ ಜನ್ಮ ನೀಡಿದ ಕೆಲವೇ ಗಂಟೆಗಳಲ್ಲಿ ಮಹಿಳೆಯೊಬ್ಬರಿಗೆ $100,000 (ಸುಮಾರು 81 ಲಕ್ಷ ರೂ) ಬಹುಮಾನ ಲಾಟರಿಯಲ್ಲಿ ಸಿಕ್ಕಿದ್ದು, ಈ ಸುದ್ದಿ ವೈರಲ್ ಆಗಿದೆ.
.
.
.
.
.
.
.
.
.
.ಉತ್ತರ ಕೆರೊಲಿನಾದ ಮಹಿಳೆ ಲಾಟರಿಯಲ್ಲಿ ಈ ಬಹುಮಾನ ಗೆದ್ದಿದ್ದು, ತನ್ನ ಮಗಳ ಕಾಲ್ಗುಣ ಎಂದು ಜಾಲತಾಣದಲ್ಲಿ ಶೇರ್ ಮಾಡಿಕೊಂಡಿದ್ದಾಳೆ. ಮನೆಗೆಲಸ ಮಾಡಿ ಜೀವನ ಸಾಗಿಸುತ್ತಿರುವ ಕಾನ್ಕಾರ್ಡ್‌ನ 28 ವರ್ಷದ ಮಹಿಳೆಗೆ ಇಂಥದ್ದೊಂದು ಅದೃಷ್ಟ ಒಲಿದು ಬಂದಿದೆ.
.
.
.
ಈಕೆ ತನ್ನ ಅದೃಷ್ಟ ಪರೀಕ್ಷೆ ಮಾಡಲು ಪವರ್ಬಾಲ್ ಟಿಕೆಟ್ ಖರೀದಿಸಿದ್ದಳು. ಆ ವೇಳೆ ಈಕೆ ತುಂಬು ಗರ್ಭಿಣಿ. ಕಳೆದ ವಾರ ಹೆಣ್ಣುಮಗುವಿಗೆ ಜನ್ಮ ನೀಡಿದ್ದಾಳೆ. ಮಗು ಹೆತ್ತ ಖುಷಿ ಒಂದೆಡೆಯಾದರೆ, ಮಗು ಹೆತ್ತು ಎರಡು ಗಂಟೆಯ ಒಳಗೆ ಆಕೆಗೆ ಬಹುಮಾನದ ಸುದ್ದಿಯೂ ಬಂದಿದ್ದು, ಡಬಲ್ ಧಮಾಕಾ ಎಂದು ಬರೆದುಕೊಂಡಿದ್ದಾಳೆ.
“ಮಗಳು ನನಗೆ ಅದೃಷ್ಟವನ್ನು ತಂದಳು ಎಂದು ನಾನು ಭಾವಿಸುತ್ತೇನೆ” ಎಂದು ಹೇಳಿದ್ದಾಳೆ. ಏಕೆಂದರೆ ಈಕೆಗೆ ಇಬ್ಬರು ಗಂಡುಮಕ್ಕಳಿದ್ದರು. ಹೆಣ್ಣು ಮಗುವಿನ ಆಸೆಯಿಂದ ಮತ್ತೊಮ್ಮೆ ಗರ್ಭ ಧರಿಸಿದ್ದಳು. ಮಗಳು ಹುಟ್ಟಿದ ಖುಷಿಯಲ್ಲಿ ಇರುವಾಗಲೇ ಬಹುಮಾನವೂ ಬಂದಿದೆ.
