ಟೂತ್ ಪೇಸ್ಟ್ ಎಂದು ತಪ್ಪಾಗಿ ಭಾವಿಸಿ ಇಲಿ ಪಾಷಾಣದಲ್ಲಿ ಹಲ್ಲುಜ್ಜಿದ ಯುವತಿಯೊಬ್ಬಳು ಸಾವನ್ನಪ್ಪಿರುವ ಘಟನೆ ಮುಂಬೈನಲ್ಲಿ ನಡೆದಿದೆ. 18 ವರ್ಷದ ಅಫ್ಸಾನಾ ಖಾನ್ ಎಂಬ ಯುವತಿ ಮೃತ ದುರ್ದೈವಿ. ಮುಂಬೈನ ಧಾರವಿ ಪ್ರದೇಶದಲ್ಲಿ ಕುಟುಂಬದವರೊಂದಿಗೆ ವಾಸಿಸುತ್ತಿದ್ದ ಈಕೆ ಬೆಳಗ್ಗೆ ಟೂತ್ ಪೇಸಟ್ ಎಂದು ಇಲಿ ಪಾಷಾಣವನ್ನು ಹಲ್ಲುಜ್ಜಲು ಬಳಸಿದ ಪರಿಣಾಮ ಸಾವನ್ನಪ್ಪಿದ್ದಾಳೆ.
.
.
.
.
.
.
.
.
.
.ಬೆಳಗ್ಗೆ ನಿದ್ದೆಗಣ್ಣಿನಲ್ಲಿ ಎದ್ದ ಅಫ್ಸಾನಾ ಖಾನ್, ಹಲ್ಲುಜ್ಜಲು ತೆರಳಿದ್ದಾಳೆ. ಈ ವೇಳೆ ಕೈಗೆ ಸಿಕ್ಕ ಇಲಿ ಪಾಷಾಣವನ್ನು ಟೂತ್ ಪೇಸ್ಟ್ ಎಂದು ಭಾವಿಸಿ ಟೂತ್ ಬ್ರಶ್ಗೆ ಹಾಕಿ ಅದರಲ್ಲಿ ಹಲ್ಲು ತೊಳೆದಿದ್ದಾಳೆ. ತಕ್ಷಣವೇ ಆಕೆಗೆ ಏನೋ ವ್ಯತ್ಯಾಸ ಅರಿತಂತಾಗಿದೆ. ನೋಡಿದಾಗ ಇಲಿ ಪಾಷಾಣವೆಂದು ಗೊತ್ತಾಗಿದೆ. ಕೂಡಲೆ ಉಗುಳಿ ಬಾಯಿ ತೊಳೆದಳು. ಅಷ್ಟರಲ್ಲಾಗಲೇ ಆಕೆಗೆ ತಲೆ ಸುತ್ತು ಬಂದು ಕೆಳಕ್ಕೆ ಬಿದ್ದಿದ್ದಾಳೆ.
.
.
.
ಕೆಳಕ್ಕೆ ಬಿದ್ದ ಅಫ್ಸಾನಾ ಖಾನ್ ಕಂಡು ಕುಟುಂಬಸ್ಥರು ತಕ್ಷಣವೇ ಆಸ್ಪತ್ರೆಗೆ ಕರೆದುಕೊಂಡು ಹೋಗಿದ್ದಾರೆ. ಆದರೆ ಅದಾಗಲೇ ತಡವಾಗಿದ್ದರಿಂದ ಆಕೆಯನ್ನು ಉಳಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಆದರೂ ವೈದ್ಯರು ಆಕೆಯನ್ನು ಉಳಿಸಿಕೊಳ್ಳುವ ಪ್ರಯತ್ನ ನಡೆಸಿದರಾದರೂ ಎರಡು ದಿನಗಳ ನಂತರ ಅಫ್ಸಾನಾ ಖಾನ್ ಮೃತಪಟ್ಟಿದ್ದಾಳೆ.
ಅಫ್ಸಾನಾ ಖಾನ್ ಕಲಿಕೆಯಲ್ಲಿ ಮುಂದಿದ್ದಳು. ಆಕೆಯ ಮೇಲೆ ಮನೆಯವರಿಗೆ ಭರವಸೆಯಿತ್ತು. ಮುಂದೊಂದು ದಿನ ನಮ್ಮನ್ನು ಆಕೆ ಚೆನ್ನಾಗಿ ನೋಡಿಕೊಳ್ಳಲಿದ್ದಾಳೆ ಎಂಬುದು ಅವರಲ್ಲಿತ್ತು. ಆದರೆ ಎಡವಟ್ಟಿನಿಂದಾಗಿ ಅಫ್ಸಾನಾ ಖಾನ್ ಸಾವನ್ನಪ್ಪಿದ್ದಾಳೆ.
