.
.
.
.
.
.
.
.
.
.ಅಟ್ಲಾಂಟಾ: ಅವಳಿ ಮಕ್ಕಳು, ತ್ರಿವಳಿ ಮಕ್ಕಳು, ನಾಲ್ಕು-ಐದು ಮಕ್ಕಳು ಒಟ್ಟಿಗೆ ಹುಟ್ಟುವುದನ್ನು ಕೇಳಿರುತ್ತೀರಿ. ಆದರೆ ಈ ದಂಪತಿ ಕಥೆಯೇ ಬೇರೆ. ಜಾರ್ಜಿಯಾದ ದಂಪತಿ ಒಂದೇ ವರ್ಷದಲ್ಲಿ ಬರೋಬ್ಬರಿ 20 ಮಕ್ಕಳಿಗೆ ತಂದೆ ತಾಯಿಯಾಗಿದ್ದಾರೆ. ಅದು ಹೇಗೆ ಗೊತ್ತಾ?…
.
.
.
ಜಾರ್ಜಿಯಾದಲ್ಲಿ ನೆಲೆಸಿರುವ ಕ್ರಿಸ್ಟಿನಾ ಒಜ್ತುರ್ಕ್ ಮತ್ತು ಗಾಲಿಪ್ಗೆ 20 ಪ್ಲಸ್ ಒಂದು ಒಟ್ಟು 21 ಮಕ್ಕಳು. ಗಾಲಿಪ್ ವಯಸ್ಸು 53 ವರ್ಷವಾದರೆ ಕ್ರಿಸ್ಟಿನಾ ಇನ್ನೂ 23 ವರ್ಷದವಳು. ಈ ದಂಪತಿಗೆ ಆರು ವರ್ಷದ ವಿಕ್ಟೋರಿಯಾ ಹೆಸರಿನ ಮಗಳಿದ್ದಾಳೆ. ಆದರೆ ಕ್ರಿಸ್ಟಿಯಾಗೆ ಮೊದಲಿನಿಂದಲೂ ದೊಡ್ಡ ಕುಟುಂಬ ಮಾಡಿಕೊಳ್ಳಬೇಕೆಂಬ ಆಸೆಯಿತ್ತಂತೆ. ಆ ಆಸೆಗೆ ಒಪ್ಪಿದ ಮೇಲೆಯೇ ಕೋಟ್ಯಧಿಪತಿ ಗಾಲಿಪ್ನನ್ನು ಮದುವೆಯಾಗಿದ್ದಳಂತೆ.
ಕ್ರಿಸ್ಟಿಯಾಳ ದೊಡ್ಡ ಕುಟುಂಬದ ಕನಸು ಈ ವರ್ಷ ನೆರವೇರಿದೆ.
ಇದೊಂದೇ ವರ್ಷದಲ್ಲಿ ಬರೋಬ್ಬರಿ 20 ಮಕ್ಕಳು ಕ್ರಿಸ್ಟಿಯಾಳ ಮಡಿಲು ಸೇರಿವೆ. ಅಂದ ಹಾಗೆ ಈ ಎಲ್ಲ ಮಕ್ಕಳು ಬಾಡಿಗೆ ತಾಯಂದಿರಿಗೆ ಹುಟ್ಟಿದ್ದಂತೆ. ಮಕ್ಕಳನ್ನು ಹೆರುವುದಕ್ಕಾಗಿ ಬಾಡಿಗೆ ತಾಯಂದಿರಿಗೆ ಬರೋಬ್ಬರಿ 1.42 ಕೋಟಿ ರೂಪಾಯಿ ಖರ್ಚು ಮಾಡಿದ್ದಾರಂತೆ. ಕಳೆದ ವರ್ಷ ಮಾರ್ಚ್ನಲ್ಲಿ ಮೊದಲ ಬಾಡಿಗೆ ತಾಯಿಯಿಂದ ಮಗು ಪಡೆದ ನಂತರ ಒಂದೊಂದಾಗಿ ಮಕ್ಕಳನ್ನು ಪಡೆಯುತ್ತಾ ಬರಲಾಗಿದೆ. ಈಗ ಕ್ರಿಸ್ಟಿನಾ ಬಳಿ 4 ತಿಂಗಳ ಮಕ್ಕಳಿಂದ ಹಿಡಿದು 14 ತಿಂಗಳ ಮಕ್ಕಳೂ ಇದ್ದಾರೆ.
ಈ ಮಕ್ಕಳಿಗೆ ವಾರವೊಂದಕ್ಕೆ ಸುಮಾರು ಮೂರರಿಂದ ನಲ್ಕು ಲಕ್ಷ ರೂಪಾಯಿ ಖರ್ಚಾಗುತ್ತದೆಯಂತೆ. ಇವರನ್ನು ನೋಡಿಕೊಳ್ಳಲೆಂದೇ 16 ಜನರನ್ನು ನೇಮಿಸಿಕೊಳ್ಳಲಾಗಿದೆ. ಕ್ರಿಸ್ಟಿನಾ ಕೂಡ ದಿನದ ಅಷ್ಟೂ ಸಮಯವನ್ನು ಮಕ್ಕಳಿಗಾಗಿಯೇ ಮುಡಿಪಾಗಿಡುತ್ತಾಳಂತೆ. ಇಷ್ಟಕ್ಕೆ ಕುಟುಂಬ ನಿಲ್ಲಿಸುವ ಮನಸ್ಸು ಆಕೆಗಿಲ್ಲವಂತೆ. ಗಾಲಿಪ್ ಜತೆ ಇನ್ನೊಂದು ಮಗು ಮಾಡಿಕೊಳ್ಳುವ ಆಸೆಯಿದೆ. ನಾನೇ ಗರ್ಭಿಣಿಯಾಗಿ ಮಗುವನ್ನು ಹರಬೇಕೆನ್ನುವ ಮನಸ್ಸಿದೆ. ಈ ಮಕ್ಕಳ ಜತೆ ಕಾಲ ಕಳೆಯುತ್ತಿರುವುದರಿಂದಾಗಿ ಕೆಲ ಸಮಯದ ನಂತರ ನಾನು ಮತ್ತೆ ಗರ್ಭಿಣಿಯಾಗುತ್ತೇನೆ ಎನ್ನುತ್ತಾಳೆ ಕ್ರಿಸ್ಟಿನಾ
